اسلام آباد۔ 01 ستمبر (اے پی پی) سول جج جوڈیشل مجسٹریٹ اسلام آباد حفیظ احمد برطانوی یونیورسٹی ٹی خوانفوک آ پروفیسر نا برمتہ ٹی اوڑدہ مسہ دوبہ دارآتے اِرا دے ئی جسمانی ریمانڈ آ پولیس نا حوالہ کرے۔ پنچ شنبے آ تھانہ کوہسار پولیس دوبہ دار رخسار، حامد و دوبہ دار روشن ئِ پیش کرسا موقف اختیار کرے کہ دوبہ دارآک اسہ نیاڑی صدف بی بی نا کمک اٹ پروفیسر سید مبشر یوسف ئِ برمتہ کریر اونا چیک بک ئِ دوئی کرسا بینک اکاﺅنٹ آن لکھ آ روپئی ئِ کشفیر دوبہ دار آتا برمتہ ٹی اوڑدہ اسہ گروہ اسے ہراٹی اوڑدہ اِرا دوبہ دار نروک ئُ وخت اس کہ دوبہ دار آتے سی سی ٹی وی فوٹیج نا کمک اٹ دزگیر کننگا دوبہ دارآتا ایلو سنگت آتا دزگیری کن جسمانی ریمانڈ نا خواست ئِ منظور کننگے ہراڑآ عدالت دا حکم ئِ بنفے۔ یات سلے کہ تھانہ کوہسار پولیس دوبہ دار نا برخلاف پروفیسر مبشر یوسف ئِ برمتہ کننگ نا دوبہ ٹی مقدمہ درج کرسا کارروائی نا بنائِ کرے۔
