اسلام آباد۔ 01 ستمبر (اے پی پی) بنجائی وزیر اطلاعات و نشریات سینیٹر پرویز رشید نا سینئر صحافی و ہردے ئی ”پاکستان آبزرور“ نا چیف ایڈیٹر زاہد ملک نا کذیت آ ڈکھ و غم نا درشانی ئِ کرینے۔ اوتینا ہڑزخواہی کلہو اٹی ایماندار ئِ خراج عقیدت پیش کرسا پارے کہ صحافت نا پٹ اٹی اونا خذمت و کڑد ئِ ہمیش یات تخنگک۔ اوناکذیت آن ودی مروک آ خلا مشکل اسے اٹ پُر مریک ۔ اودعا کرے کہ اللہ تعالیٰ ایماندار ئِ جنت الفردوس اٹی جاگہ ایتے و اونا پدسلوک آ خاہوت ئِ دا صدمہ ئِ برداشت کننگ نا توفیق عطاءفرمائفے۔
