اسلام آباد۔ 01 ستمبر (اے پی پی) وزیراعظم محمد نواز شریف پنی صحافی زاہد ملک نا کذیت آ ڈکھ و افسوز نا درشانی ئِ کرینے۔ پنچ شنبے آ اسہ ہڑزخواہی کلہو اسے ٹی اودعا کرے کہ اللہ تعالیٰ ایماندار ئِ جنت الفردوس اٹی جاگہ ایتے و اونا خاہوت ئِ صبر کننگ نا توفیق عطاءفرمائفے۔ وزیراعظم پارے کہ زاہد ملک ہمیش آجوئی صحافت نا مخ تف مس، اوپارے کہ زاہد ملک تینا غٹ صحافتی کیریئر نا وخت آ ننے تینا قابل قدر خیال و آزموندہ غاتیان مستفید کرے۔ وزیراعظم پارے کہ زاہد ملک نا کذیت ملک و شعبہ صحافت کن اسہ نسخان اسے۔ پاکستان اٹی صحافت نا شون اکن اونا خذمت آتے ہروخت یات تخنگک۔
