گوادر۔ 01ستمبر (اے پی پی) پاکستان اٹی چین نا سفیر سن وی ڈونگ پارینے کہ گوادر ڈٹ پاکستان و چین ہڑتوم آتے کن اہمیت تخک، گوادر نا آخبت روشنائِ داڑآن الس نا زند انا معیار بڑز مریک، گوادر ئِ رکھوک جوڑ کننگ کن گام گیج آک ڈٹ انا بشخ ئُ، گوادر علاقائی ملک آتا نیام اٹ رابطہ غاتا جوان ئُ ذریعہ اسے ، بلوچستان نا 20 سرکڑدہ چین نا دورہ ئِ کیرہ۔ داخیال آتا درشانی ئِ او گوادر اٹی کیہی شونداری ڈٹ آتا بنداو ئِ تخنگ نا وخت آ خیال آتا درشانی ئِ کرسا کرے۔ اوپارے کہ وزیراعظم تون گوادر اٹی بننگ کن کن اعزاز اسے، گوادر بندرگاہ اقتصادی راہداری نا اہم ئُ ڈٹ اسے، گوادر بندرگاہ نا ڈٹ پاکستان و چین ہڑتوم آتے کن اہمیت تخک۔ گوادر بندرگاہ نا جوڑ جاڑ اٹی پاکستان نا حکومت و الس نا منت واراُن، گوادر پورٹ نا جوڑ جاڑ انجینئر ز و تکنیکی عملہ نا مہارت نا نتیجہ ئِ۔ چینی سفیر پارے کہ گوادر اٹی کیہی شونداری ڈٹ آتیا کاریم ترندی اٹ برجائِ۔ نن اومیت کینہ کہ گوادر نا آخبت روشنائِ۔ گوادر ڈٹ آن علاقہ نا خلقت آتا زند انامعیار بڑز مریک۔ پاکستان و چین گوادر فری زون کن اواری اٹ کاریم کینہ۔ گوادر ئِ رکھوک جوڑکننگ کن گام گیج آک ڈٹ انا بشخ ئُ۔ گوادر علاقائی ملک آتا نیام اٹ رابطہ غاتا گچین ذریعہ ثابت مریک۔ اوپارے کہ گوادر ئِ ملک انا ایلو علاقہ غاتون ملفنگ کن شاہراہ تا جوڑ جاڑ جاری ئِ۔ علاقہ ٹی تعلیمی آسراتی تا فراوانی نا ڈٹ آتیا کاریم کننگ انگ ئِ۔ بلوچستان آن 20سرکڑدہ غاتا ڈل چین نا دورہ ئِ کیک۔ بلوچستان میڈیکل یونیورسٹی نا طالب علم آتے چین اٹی تربیت تننگک۔ چین نا کنڈآن ٹیکی ٹی جوڑ کروک آ اسکول اٹی دوسد چناتعلیم حاصل کیرہ ۔
