گوادر۔ 01ستمبر (اے پی پی) بنجائی وزیر جہازرانی و بندرگاہیں میر حاصل خان بزنجو پارینے کہ سی پیک پاکستان کن بالعموم و بلوچستان کن خاص کر گیم چینجر اس مریک، بلوچ الس ہمیش پاکستان نا شون و شونہالی ٹی کڑد ادا کرینے، بلوچستان نا الس علاقہ ٹی شون و شونہالی خواہک۔ داخیال آتا درشانی ئِ او گوادر اٹی کیہی ڈٹ آتا افتتاح نا دود آن تران کرسا کرے۔ اوپارے کہ گوادر اٹی شونداری ڈٹ آتا افتتاح تاریخی حیثیت اس تخک۔ گوادر پورٹ وزیراعظم محمد نواز شریف نا وژن نا عکاس ئِ۔ اوپارے کہ ہر پاکستانی ئِ یخین ئِ کہ اقتصادی راہداری ڈٹ ملک اکن بالعموم و بلوچستان کن خاص کر گیم چینجر اس مریک۔ اوپارے کہ بلوچ الس ئِ نظرانداز کننگ مفک۔ اوہمیش پاکستان نا شون اٹی کڑد ادا کرینو۔ بلوچستان نا الس علاقہ ٹی شون و شونہالی خوارہ۔ اقتصادی راہداری بلوچ الس نا خواست ئِ۔ اوپارے کہ گوادر چاربھلو ٹاﺅنز آتیا تالان ئِ۔ آمریت نا دور اٹی قومی مفاد ئِ ہمیش نسخان رسیفنگا ۔ درحقیقت گوادر ہی اقتصادی راہداری ئِ و اقتصادی راہداری ہی گوادر ئِ۔
