گوادر۔ 01ستمبر (اے پی پی) وزیراعلیٰ بلوچستان نواب ثناءاللہ زہری پارینے کہ سی پیک نا ڈٹ نہ صرف گوادر و بلوچستان بلکن مچ آپاکستان کن شون و شونہالی نا کلہو ئِ ایسونے بسونے۔ نن دا ڈٹ آتا کسر اٹی بروک آ غٹ اڑاند آتے مر کننگ کن تیار اُن، بلوچستان نا الس بہادر و حوصلہ مند ئُ ہرادژمن نا دہشت گردی نا کارروائی تیان خلیپسہ۔ پنچ شنبے آ گوادر اٹی کیہی ڈٹ آتا افتتاح نا وخت آ تران کرسا اوپارے کہ شونداری ڈٹ آتیٹی وزیراعظم نا است خواہی نا مسکوہی ٹی مثال ملیپک، گوادر نا شون داسا حقیقت جوڑ مرسا کننگ ئِ۔ گوادر ڈٹ آن علاقہ ٹی معاشی سرجزآتیٹی ودکی مریک۔ گوادر نا رکھ اکن حکومت پوسکن ئُ سیکورٹی ڈویژن اس جوڑ کرینے ، گوادر فری ٹریڈ زون گوادر بندرگاہ نا بشخ ئِ۔ داڑے پنجا ہزار خلقت آتے ملازمت نا وارخواہی دوبریک۔ اوپارے کہ 91کروڑ روپئی نا خڑچ آن گوادر اٹی فنی تربیت نا ادارہ اس اڈتننگک۔ گوادر ڈٹ اٹی بروک آ اڑاند آتے مر کننگ آ وزیراعظم نا منت وار اُن۔ فری زون نا جوڑ جاڑ کن غٹ زرآتے چین فراوان کیک۔ گوادر اٹی جان جوڑی نا آسراتی تا فراوانی کن ہسپتال نا جوڑ جاڑ جاریئِ۔ وزیراعلیٰ بلوچستان پارے کہ گوادر ئِ بین الاقوامی شار اس جوڑ کننگ کن دیر انا دوئی اولین اولیت ئِ۔ سی پیک نا ڈٹ نہ صرف گوادر و بلوچستان بلکن مچ آ پاکستان کن شون و شونہالی نا کلہو اس ایسونے۔ نن دا ڈٹ انا کسر اٹی بروک آ غٹ اڑاند آتے مر کننگ کن تیار اُن۔ اوپارے کہ بلوچستان نا الس دلیر و حوصلہ مند ئُ ہرا دژمن نا دہشت گردی نا کارروائی تیان خلیپسہ۔
