اسلام آباد۔ 31 اگست (اے پی پی) وزیر مملکت کیڈ ڈاکٹر طارق فضل چوہدری نا خصوصی پارت آ نیشنل کونسل آف سوشل ویلفیئر نا کنڈآن السی آگاہی پروگرام نا چرجوئی ٹی ”چین پاکستان اقتصادی راہداری نا راجی زئم آک“ نا سرحال آ اسہ دے ئی سیمینار چارشنبے آ اڈ ہلک سیمینار نا کماشی ئِ چیئرمین نیشنل کونسل آف سوشل ویلفیئر ڈاکٹر ندیم شفیق ملک کرے وخت اس کہ پروجیکٹ ڈائریکٹر سی پیک، سیکرٹریٹ ، وزارت پلاننگ، ڈویلپمنٹ و ریفارمز ڈاکٹر ظاہر شاہ و ڈائریکٹر جنرل انسٹی ٹیوٹ آف پالیسی سٹڈیز اسلام آباد خالد رحمان مہمان خاص ئسر۔ سول سوسائٹی، رضاکارادارہ، طالب علم، کیڈ ڈویژن ، حکومت پاکستان نا کیہی ادارہ غاتا کارندہ غاک بھلو کچ اسے ٹی سیمینار اٹی شرکت کریر۔ چیئرمین نیشنل کونسل آف سوشل ویلفیئر ڈاکٹر ندیم شفیق ملک تینا صدارتی تران اٹی پارے کہ چین پاکستان اقتصادی راہداری ، پاکستان نا غٹ بشخ آتون اوار راجی شون نا کسر ئِ۔ پاک چین اقتصادی راہداری پروجیکٹ اسہ ہندن ئُ اسٹ ئُ ڈٹ اسے ہرانا کمک اٹ نئے صرف موٹرویز ریل انا رابطہ جوڑ مننگ ئِ بلکن فائبر آپٹک لنک، توانائی نا ڈٹ، تیل انا پیپ لین و گوادر نا جدید بندرگاہ جوڑ مننگ ئِ۔ دا ڈٹ آتا پوروی آن پاکستان نا الس نا زند آتیا نہ صرف اونا گچین زئم تمک بلکن پاکستان نا تہہ ٹی مروک آ راجی بدلیک اسہ انقلاب اس اتیرہ ہراڑآن خلقت آتا زند انا آب بڑز مریک لکھ آ روزگار نا وارخواہی ودی مریک۔
