کوئٹہ۔ 31اگست (اے پی پی) لیفٹیننٹ جنرل آصف ممتاز سکھیرا پارینے کہ صوبہ ٹی طبی بشخ انا مون آدننگ کن کوشست کننگ اٹی ئِ پوسکنا دور انا گرج آتا رداٹ ہر وڑنا گام گیج کننگ انگ ئِ تانکہ آخبت نا معمار آک ملک و صوبہ ناپن ئِ روشن کیر۔ داخیال آتا درشانی ئِ پاک فوج انا سرجن جنرل ڈی جی ایم ایس (آئی ایس) لیفٹیننٹ جنرل آصف ممتاز سکھیرا کوئٹہ انسٹیٹیوٹ آف میڈیکل سائنسز کوئٹہ کینٹ نا دورہ نا وخت آ فیکلٹی ممبران و طالب علم آتیان تران کرسا کرے۔ داوخت آ پرنسپل پروفیسر ڈاکٹر ارباب عبدالودود ، کمانڈنٹ سی ایم ایچ بریگیڈیئر سلمان احمد و ایلوک ہم ساڑی ئسر۔ لیفٹیننٹ جنرل آصف ممتاز سکھیرا پارے کہ استاد و طالب علم آتا اسیجائی خواری آن کالج نا شمار ملک انا بڑزکو تعلیمی ادارہ غاتیٹی مریک ہرا شون و شونہالی نا تغ ئِ نن خناسن اینو اونا تعبیر مسنے زوت ہی کالج آن فارغ التحصیل ڈاکٹر آک اندرون و بیرون ملک تینا خذمت آتے انجام تننگ نا بنائِ کیرہ ہراڑآن طبی بشخ اٹی کاختی نا خاتمہ ئِ کننگ اٹی کمک رسینگک، و الس ئِ معیاری طبی آسراتی دو بریک طالب علم آک تعلیم ئِ پورو کننگ آن پد تینا تینا علاقہ غاتیٹی الس نا خذمت ئِ کیر تانکہ مر مر انگاپسماندہ علاقہ غاتیٹی الس ئِ اوفتا درگہ غا طبی آسراتی دو بننگ کے۔ داکان بیدس کمانڈنٹ بریگیڈیئر محمد علیم سرجن جنرل لیفٹیننٹ جنرل آصف ممتاز سکھیرا ئِ کالج نا بارواٹی بریفنگ تس۔ اوکان گڈ سرجن جنرل بوائز ہاسٹل نا ہم دورہ ئِ کرے و پوسکنا بلاک نا افتتاح ئِ کرے۔
