اسلام آباد۔ 31 اگست (اے پی پی) فیڈرل انویسٹی گیشن ایجنسی (ایف آئی اے) راولپنڈی آن جعلی حج آپریٹر ئِ دزگیر کرینے ، جعلی حج آپریٹر ایف آئی اے ئِ کیہی مقدمہ غاتے ٹی درکار ہم ئس۔ ڈائریکٹر ایف آئی اے اسلام آباد نا رداٹ ایف آئی اے نا ٹیم چارشنبے آ راولپنڈی نا آدم جی روڈ آ جے کے ٹریول اینڈ ٹورز آ چھاپہ خلسا جعلی حج آپریٹر طارق انعام ولد انعام اللہ ساکن اسلام آباد ئِ دزگیر کننگا۔ طارق انعام ایف آئی اے تون درج انسانی سمگلنگ نا مقدمہ نمبر 50/15و 37/16ٹی درکار ئس، ہرادے ایف آئی اے اشتہاری دوبہ دار گونداسس۔ طارق انعام کودک شاری تیان جدہ ٹی خدام الحج کن 87 لکھ روپئی ہلکوسس۔ ایف آئی اے جعلی حج آپریٹر نا برخلاف پوسکن ئُ مقدمہ اس درج کرسا ایلو سنگت آتا دزگیری کن کاریم نا بنائِ کرینے۔
