پائیدار شونداری ہدف نا پروگرام، بین العلاقائی رابطہ کن موٹروہیکل اینڈ ریلویز نا سارک معاہدہ غاتون اوار کیہی ایجنڈہ آئٹم تا منظوری
اسلام آباد۔ 31اگست (اے پی پی) بنجائی کابینہ وزیراعظم نا پائیدار شونداری ہدف آتا پروگرام و بین العلاقائی رابطہ غاتے کن موٹروہیکل اینڈ ریلویز نا سارک معاہدہ غاتون اوار چندی ایجنڈہ آئٹم تا منظوری ئِ تسنے وخت اس کہ 5 روپئی نا سکہ نا بدلی و 10 روپئی نا سکہ ئِ درستی راستی کرفنگ نا منظوری آن بیدس بِک، جغر ، بون میر وٹرانسپلانٹ و کینسر تون اوار خراب انگا ناجوڑی تیٹی مبتلا نیزگار و مستحکم شاری تا درمان نا بارواٹی ہم فیصلہ کننگا، نان فائلرز آتے کن ود ہولڈنگ ٹیکس انا کم کچ انا تاریخ اٹی 31دسمبر 2016 ءاسکان ودیکی ہم کننگانے۔ کابینہ نا دیوان چارشنبے آ وزیراعظم محمد نواز شریف نا کماشی ٹی ایوان وزیراعظم اٹی اڈ ہلک۔ کابینہ دوہرے ٹیکس آن گریز و آمدنی آ ٹیکس آتا بابت مالیاتی دُزی نا توننگ کن پاکستان و چین نا نیام اٹ معاہدہ آ دستخط کن مسٹ می پروٹوکول و بنائی مسودہ غا دستخط ناہم منظوری تس۔ آمدنی آ ٹیکس آتا بابت دوہرے ٹیکس آن گریز کن پاکستان و سوئٹزر لینڈ نا نیام اٹ کنونشن آ نظرثانی و بنائی مسودہ غا دستخط نا ہم منظوری تننگا۔ کابینہ ٹیکس کانود ترمیمی آرڈیننس 2016ءو پٹرولیم مصنوعات آتیا سیلز ٹیکس نا تعین نا ہم منظوری ئِ تس۔ کابینہ ری سٹرکچرنگ نا بارواٹی کابینہ کمیٹی نا 13 دسمبر 2013ءو جولائی 2014ءآ اڈہلوک آ دیوان آتیٹی کروک آ فیصلہ و کابینہ کمیٹی برائے نجکاری نا 26نومبر ، 9 دسمبر و 12 دسمبر 2014ءآ اڈ ہلوک آ دیوان آتیٹی اونا فیصلہ غاتا ہم منظوری ئِ تس۔ کابینہ 10 اگست، 11 اگست، 17 ستمبر و 2 اکتوبر 2015ءآکابینہ کمیٹی برائے نجکاری نا دیوان آتیٹی کروک آ فیصلہ غاتا ہم توثیق ئِ کرے۔ کابینہ نا دیوان اٹی کروک آ ایلو فیصلہ غاتیٹی ٹیکس ڈائریکٹری نا اشاعت ، سیلز ٹیکس ایکٹ1990ءنا شق 2 نا ذیلی شق (122اے) نا رداٹ نوٹیفکیشن و انکم ٹیکس آرڈیننس 2001ءنا بارواٹی شق 236پی نارداٹ نان فائلرز آتے کن کم کروک ود ہولڈنگ ٹیکس کچ انا تاریخ اٹی 31دسمبر 2016 ءاسکان ودیکی اوارے۔ کابینہ 14 ستمبر 2016ءآ پیرس اٹی او ای سی ڈی سیکرٹریٹ اٹی وزیر خزانہ اسحاق ڈار نا کنڈآن ٹیکس معاملہ غاتیٹی تین پہ تینی انتظامی کمکاری نا بارواٹی کثیر الطرفہ کنونشن آ ہم دستخط نا منظوری تننگا، بنجائی کابینہ 29 اگست 2016ءآ اقتصادی رابطہ کمیٹی نا فیصلہ غاتا ہم توثیق ئِ کرے۔
