اسلام آباد۔ 31 اگست (اے پی پی) اسلام آباد چیمبر آف سمال ٹریڈرز نا سرپرست شاہد رشید بٹ پارینے کہ اقتصادی رابطہ کمیٹی نا کنڈآن خولم نا درآمد آ خلوک ریگولیٹری ڈیوٹی ئِ 40 درسد آن ودفسا 60 درسد کننگ نا فیصلہ ستاءکڑزک انتئے کہ داڑآن ہندی کشارگر آتا است بڈی مریک و اوفتے بین الاقوامی منڈی نا زئم آتیان رکھینگ مریک۔ سرپلس سٹاک نا ساڑی گری ٹی نیام ایشیائی ریاست آتیان خولم نا درآمد بزغر آتا مفاد آتا برخلاف ئِ و دافیصلہ آن اونا مون ئِ توننگ اٹی کمک رسینگک۔ شاہد رشید بٹ تینا اسہ بیان اسے ٹی پارے کہ ملک اٹی داوخت اسہ کروڑ ٹن خولم ساڑی ئِ و سبسڈی نا باوجود برآمدات آتیٹی ودکی مفننگ ئِ ہنداخاطران درآمدات آتا حوصلہ شکنی کن ریگولیٹری ڈیوٹی ئِ چل درسد آن ودفسا شست درسد کننگ ملکی مفادآتا رداٹ ئِ ہراڑکن نن وزیر خزانہ اسحاق ڈار نا منت واراُن۔
