اسلام آباد۔ 30 اگست (اے پی پی) بُنجاھی وزیر ھزانگ ئَ گوشت کہ بُنجاھی حکومت این ایف سی ئَ را زوت پکوئیں رنگے دنت، ھمے درگت ئَ صوبگ آں وتی وتی کار سرجم کتگ اَنت ئُُ آیوکیں مالی سال ئَ نوکیں این ایف سی ئِ چیر دستی ئَ فنڈ دیگ بنت۔ آ سئے شمبے ئَ اِدا این ایف سی ئِ بابت ئَ یک دیوانے ئَ پد سر وزیر سندھ مراد علی شاہ ئَ گوں اھوالکارانی دیم ئَ تران کنان اَت۔ بُنجاھی وزیر ئَ گوشت کہ مئے جُہد اِنت کہ 31دسمبر ئَ تاں این ایف سی ئَ ر پکوئیں رنگے بدیاں، اے درگت ئَ 5ستمبر ئَ لاہور ئَ یک دیوان ئِ بوھگی اِنت۔ آئی ئَ گوشت کہ ما کانود ئِ رد ئَ دیم ئَ جُنزان کناں۔ صوبگ آں وتی کار سرجم کتگ اَنت۔ آیوکیں مالی سال ئَ نوکیں این ایف سی ئِ رد ئَ صوبگ آناں فنڈ دیگ بیت۔ اے موہ ئِ سر ئَ سندھ ئِ سر وزیر مراد علی شاہ ئَ گوشت کہ ما بُنجاھ ئِ گوما ھواری ئَ کار کنگ ئَ آں۔ آئی ئَ گوشت کہ ما لوٹاں کہ نوکیں این ایف سی ئَ را 31دسمبر ئَ تاں پکوئیں رنگے بدیاں۔
