اسلام آباد۔ 30 اگست (اے پی پی) صدر مملکت ممنون حسین ئَ کشمیری آنی سیاسی، سفارتی ئُُ اخلاقی کمک کنگ ئَ را جاڑی دارگ ئِ پکوئیں ارادگ سُہرا کنان ئَ گوشت کہ بھارت ئِ نیمگ ئَ بنی آدم آنی ھک آنی لگت مالی آنی کسہو آناں سرجمیں دُگنیا ئِ دیم ئَ آرگ ئِ ھاترا ھاسیں سفارتی گامگیج آنی ضلورت ئِ گوشت، کشمیر ئِ جیڈھ ابید چہ گیواری ئَ اے پڑ ئَ ایمنی انچائیں گپ اِت۔ آئی ئَ مزن وزیر ئِ درئی کارانی ھاسیں کمکار طارق فاطمی ئُُ مزن وزیر آزات جموں کشمیر محمد فاروق حیدر خان ئَ گوں تران کنان ئَ گوشت اَنت، ایشاں گوں صدر ئَ سئے شمبے ئِ روچ ئَ جتا جُتا گند ئُُ نند کتگ اَت۔ صدر ئِ مملکت ئَ راجہ محمد فاروق حیدر خان ئَ را مزن وزیر گچین بوھگ ئِ پد ئَ مبارکی دات ئُُ گمے اُمیت سُہرا کُت کہ آئی ئِ پاگواجئی ئَ اُلس شات بیت۔ صدر ئِ مملکت ئَ آزات کشمیر ئَ جوانیں الیکشن برجم دارگ ئِ پد ئَ دلیکیمی یے درشان کُت۔ صدر ئِ مملکت ئَ گوشت کہ آزات کشمیر ئَ نوکیں حکومت ئَ را ترجی داتگیں مردم آناں پیسر ئَ آوانی بنیاتی آسراتی پُجارینگ لوٹیت۔ تانکہ اُلس ئِ زندمان جوانتر بہ بیت۔ اے رد ئَ توامیں منصوبگ آنی تہ ئَ سلہ ئی دارگ المی اِنت۔
