خضدار۔ 30 اگست (اے پی پی) خضدار لیویز نا کارروائی، قومی شاہراہ چیک پوسٹ آ شکبر گاڈی نا اودیم خانہ غاتیان بھلو کچ اسے ٹی چرس دوئی، 2 دوبہ دار دزگیر، ڈپٹی کمشنر خضدار محمد عالم فراز پریس کانفرنس کرسا پارے کہ دوشنبے و سے شنبے نا نیامی نن قومی شاہراہ چکولیویز چیک پوسٹ نا ہند آ پٹنگ نا وخت آ کار انا اودیم خانہ غاتیان 120 کلو گرام اعلیٰ کوالٹی نا چرس دوئی کرسا اِرا دوبہ دار صدیق اللہ و سید ہمایوں ئِ دزگیر کننگا و گاڈی ئِ تینا کوزہ ٹی ہلکر۔ اوپارے کہ دوبہ دار آک چرس آتے کوئٹہ غان کراچی آ دریرہ ہموکان داچرس آتے پیشن نا ملک گدریفیرہ ہرادے خضدار لیویز بروخت کارروائی کرسا ڈٹ ئِ بے سہب جوڑ کرے۔ دزگیر دوبہ دار آتیان مستی جاست و پاست جاری ئِ۔ داوخت آ ڈپٹی کمشنر خضدار کارروائی ٹی بشخ ہلوک آ لیویز ٹیم ئِ نقد پنجا ہزار روپئی انعام تس۔
