اسلام آباد۔ 30 اگست (اے پی پی) دفترخارجہ نا ترجمان وائٹ ہاﺅس نا کنڈآن واشنگٹن اٹی پاکستانی سفیر ئِ ناراضگی نا چھٹی آن بابت ہندی اخبار اٹی جاری رپورٹ ئِ من گھڑت و پوروی وڑاٹ بے بنداو گوندانے۔ سے شنبے آ ترجمان نا کنڈآن برجاءاسہ بیان اسے نا رداٹ وائٹ ہاﺅس نا کنڈآن واشنگٹن اٹی پاکستانی سفارتخانہ و نہ ہی دفترخارجہ ئِ چھٹی اس موصول مسنے۔ ترجمان نا پاننگ ئِ کہ دا پین گڑاس اف رپورٹر نا تینا ذہن انا اختراع ئِ۔ ترجمان پارے کہ حق انا تصدیق آن مست بے بنداو رپورٹ جاری کننگ غیر زمہ دارانہ و صحافتی اقدار نا منافی ئِ۔
