اسلام آباد۔ 29 اگست (اے پی پی) صدر مملکت ممنون حسین پارے کہ ملک انا شون و اقتصادی شونہالی نا دوئی کن یونیورسٹی تیٹی جدید و تخلیقی تعلیم آ توجوہ تننگ نا گرج ئِ۔ اوداہیت ئِ دوشنبے آ چیئرمین ہائیر ایجوکیشن کمیشن ڈاکٹر مختار احمد تون ایوان صدر اٹی اوڑدہی نا وخت آ ہیت وگپ کرسا پارے۔ صدر مملکت پارے کہ حکومت بڑزکو تعلیم نا مون آ دننگ کن کوشست کننگئِ۔ صدر مملکت پار ے کہ ورناچین نا کڑد سازی آن بیدس تعلیم پورو مننگ کپک۔ اوچیئرمین ہائیر ایجوکیشن کمیشن آ زوشاغا کہ او تعلیمی معیار نا گچینی کن پین گام گیج کے۔ صدر مملکت دااومیت نا درشانی ئِ کرے کہ ہائیر ایجوکیشن کمیشن نا کوشست آتا سوب آن ملکی شون اکن ہنر مند بندغ دوبریک ہراڑآن ملکی شون و شونہالی ٹی ودکی مریک۔ داوخت آ چیئرمین ہائیر ایجوکیشن کمیشن ادارہ نا آخبت نا پروگرام آتا بارواٹی صدر مملکت ئِ بریفنگ تس۔
