اسلام آباد ۔ 28 اگست (اے پی پی) پاک چین اقتصادی راہداری ئِ ھوالگ ئَ ارزشتیگ ایں کانفرنس دو شمبے ئَ اسلام آباد ئَ برجم دارگ بیت۔ل پاک چائنہ فرینڈ شپ سنٹر ئَ اے دو روچی کانفرنس سی پیک ئِ بابت دیمروئی گامگیج آنی سر ئَ ، گیشینتگیں وھد ئُُ پاس ، سرمایہ کاری ئَ ھوار توامیں پڑآنی سر ئَ چار ئُُ تپاسی گرگ ئِ سر ئَ برجم دارگ بیت۔ اے دیوان ئِ بھر زوروکیں وزیر وتی وتی کارگس ئُُ صوبگ ئِ بابت ئَ دیمروئی گام آنی سر ئَ چمشانک ھم دینت۔ دو روچی کانفرنس ئِ تہ ئَ یک ھاسیں نماش ئِ ھم اَڈ دیگ بوتگ ، ایشی ئِ تہ ئَ منصوبگ ئِ روٹ، جوڑشتی منصوبگ ئُُ آپی چمگ آنی منصوبگ ئُُ ایندگہ ارزشتی ایں پڑ آنی سر ئَ تران کنگ بیت۔ سر وزیر اں ھوار ، سرکاری ئُُ جِندی پٹ دئُُ پول کار ئُُ نمائندگ ئُُ ایندگہ اسٹیک ھولڈر پاکستان ئَ ھوار چین ئِ سفیر ئُُ چینی کمپنی آنی کارمستر ئُُ نمائندگ اے دو روچی کانفرنس ئِ تہ ئَ ھاسیں رنگ ئَ بھر زورنت ۔ پاکستان ئِ معاشیات ئُُ چاگردی دیمروئی ئِ بابت ئَ شاھوکاری ھیال ریچی ھم کن اَنت۔ کانفرنس ئِ تہ ئَ 8سیشن بنت ئُُ بنداتی سیشن ئَ گوں بُنجاھی منصوبگ بندی ئُُ دیمروئی پروفیسر احسن اقبال ، ھاسیں کمکار طارق فاطمی، چینی سفیر سن وی ڈانگ، چین ئَ پاکستانی سفیر مسعود خالد ، مشیر خارجہ سرتاج عزیز، ایگزیکٹوڈائریکٹر پلاننگ کمیشن ئُُ سی پیک ڈاکٹر صفدر سہیل، پیسریگیں سفیر منیر اکرم، سرمایہ کاری بورڈ ئِ چیئرمین ڈاکٹر مفتاح اسماعیل، بُنجاھی سیکرٹری آپ ئُُ توان محمد یونس ڈھاگہ، نیشنل ہائی وے اتھارٹی ئِ چیئرمین شاہد اشرف تارڑ ھم گشتانک دینت۔ ودھدیکہ گڈی سیشن ئَ گوں وزیر ئِ ھزانگ اسحاق ڈار، چاریں صوبگ آنی سر وزیر پرویز خٹک، شہباز شریف، ثناءاللہ زہری، سید مراد علی شاہ، راجہ فاروق حیدر خان ئُُ حافظ حفیظ الرحمان ھم سی پیک ئِ منصوبگ آنی ھوالگ ئَ مردماں گوں تران کناں۔
