اسلام آباد۔ 26 اگست (اے پی پی) پناہ گزین آتا جہانی ادارہ یو این ایچ سی آر رجسٹرڈ اوغان مہاجر ہرا تینا وطن آ پدی ہِننگ خوارہ تون پارینے کہ او تینا پنچ سال آن کم وئی نا چناتا نادرا نا مخصوص بنجاپی پی ایم اٹی ہنسا رجسٹریشن ئِ باوری جوڑ کیر۔ جمعہ آ یو این ایچ سی آر نا نمائندہ اے پی پی تون ہیت وگپ کرسا پارے کہ ہمو اوغان مہاجرین ہرافتے تون رجسٹریشن و کارڈ 31دسمبر 2015ءآن و او وطن آ پدی ہِننگ نا خواہش مند ئُ او تینا پنچ سال آن کم وئی چناتا رجسٹریشن نادرا نا مخصوص بنجا اسلام آباد اٹی کھنہ پل ، پشاور، لاہور ، کراچی و کوئٹہ پی پی سی ایم بنجاتیٹی ہنسا رجسٹریشن ئِ کرفیر تانکہ اوفتے وطن آ پدی ہِننگ نا موقع آیو این ایچ سی آر نا کنڈآن 400 ڈالر نا ادائیگی چناتے ہم کننگ مرے۔ اوپارے کہ دا بابت کیہی اخبار آتیٹی ادارہ نا کنڈآن مہاجر آتا احوال کن اشتہار ہم تننگانے۔
