اسلام آباد۔ 26 اگست (اے پی پی) بنجائی وزیر خزانہ سینیٹر اسحق ڈار ہشت می سارک وزراءخزانہ دیوان نا چیئرمین گچین مس۔ اونا گچینی جمعہ آ داڑے سارک وزراءخزانہ دیوان نا بناءآ عمل اٹی ہتنگا۔ داکان مست دیوان نا افتتاحی سیشن مس ہرانا مہمان خاص وزیراعظم محمد نواز شریف ئس۔ ہشت می سارک وزراءخزانہ دیوان ناکماشی ئِ سنبھالنگ آن گڈ شرکاءآن تران کرسا بنجائی وزیر خزانہ سینیٹر اسحاق ڈار داوخت آ پارے کہ سارک تینا اڈ ہلنگ آن پد آن سویلی ایشیاءنا الس نا گچینی کن اقتصادی و راجی بشخ آتیٹی نمان پیش رفت کرینے۔ او دا پت انا درشانی ئِ کرے کہ اینو نا دیوان اٹی سویلی ایشیائی اقتصادی یونین نا اڈتننگ نا بابت ٹھوس تجاویز مرتب کننگک ہراڑآن ڈیہہ نیزگار ی نا چٹفنگ و علاقائی کمکاری ئِ ودفنگ نا کنڈا قابل عمل راستہ مہیا مریک ۔ اسحاق ڈار پارے کہ ہشت می سارک وزراءخزانہ دیوان نا سفارشات اینخو سال 9 آن 10 نومبر آ اسلام آباد اٹی مروک آ سارک سروکی دیوان اٹی پیش کننگرہ۔ داوخت آوزیر خزانہ ہشت می سارک وزراءخزانہ دیوان نا چیئرمین گچین کننگ آ شریک مروک آتا منت واری ئِ ادا کرے۔
