سندھ خاص کر کراچی ٹی حالیت آتے پرامن تخنگ آ رینجرز و پولیس نا کارکڑد نا ستائ
اسلام آباد۔ 23 اگست (اے پی پی) بنجائی وزیر داخلہ چوہدری نثارعلی خان ڈی جی رینجرز تون فون آ رابطہ کرے و سندھ خاص کر کراچی ٹی حالیت آتے پرامن تخنگ آ رینجرز و پولیس نا کارکڑد نا ستائِ کرے۔ ترجمان وزارت داخلہ نا رداٹ وزیر داخلہ چوہدری نثارعلی خان ڈی جی رینجرز تون ٹیلی فون آ ہیت وگپ کرسا پارت کرے کہ کراچی ٹی غٹ میڈیا ہاﺅسز آتا سیکورٹی ئِ باوری جوڑ کننگے ہراٹی پولیس تون اوار اوار رینجرز نا کمک ہم بایدے اوڑدہ مرے۔ وزیر داخلہ کراچی و سندھ انا جمی امن و عامہ نا حالیت آتیا است جمی نا درشانی ئِ کرے و ڈی جی رینجرز ئِ پارت کرے کہ داہیت ئِ باوری جوڑ کننگے کہ اسہ شرپسند اس ہم کانود نا گرفت آن بچپ و کسس پرامن شاری اسے ہراساں کننگ کپ۔
