ساڑی آ حکومت نا پالیسی تا سوب ملکی معیشت اٹی گچینی بننگ ئِ ، غلام مصطفی خان

اسلام آباد۔ 22 اگست (اے پی پی) بین الاقوامی امور نا چاہندار غلام مصطفی خان پارینے کہ وزیراعظم پاکستان پاک چین اقتصادی راہداری ڈٹ انا رداٹ جاری توانائی و بنداوی ڈھانچہ نا ڈٹ آتیا کاریم نا رفتار آ است جمی نا درشانی ئِ کرینے۔ ریڈیو پاکستان تون ہیت وگپ کرسا اوپارے کہ پاکستان مسلم لیگ (ن) نا ساڑی آ حکومت نا پالیسی تا سوب ملکی معیشت اٹی گچینی بننگ ئِ۔ اوپارے کہ ساڑی آ حکومت توانائی تنکی نا مون ئِ توننگ و بنداوی ڈھانچہ نا ڈٹ آتیا کاریم ئِ برجاءتخانو۔ غلام مصطفی خان پارینے کہ ننا آخبت نا انحصار داڈٹ آتیا ئِ و اگہ ننے اوفتے آپبی فائدہ ہرفوئی ئِ تو دا ڈٹ آتا بروخت ایسری اسکان سرکننگ بے حد المی ئِ۔ پاک چین اقتصادی راہداری ڈٹ انا بابت آن چست کروک آ سوج انا ورندی ئِ ترسا اوپارے کہ داڈٹ انا پوروی آن نہ صرف پاکستان بلکن سویلی ایشیانا غٹ ملک آتا تقدیر بدلینگک۔