ترجمان وزارت داخلہ نا وضاحت
اسلام آباد۔ 22 اگست (اے پی پی) وزارت داخلہ صفا کرینے کہ مسکوہی سفیر حسین حقانی نا پاسپورٹ نااجراءنا بابت آن ہچ وڑنا تاخیر اس متنے، پاسپورٹ ڈائریکٹوریٹ تخوک آ وخت اٹی پاسپورٹ نا اجرائِ کرینے۔ ترجمان وزارت داخلہ دوشنبے آ داڑے جاری بیان اٹی پارینے کہ حکومت پاکستان یا وزارت داخلہ نا کنڈآن حسین حقانی نا پاسپورٹ ئِ توننگ نا خبر تیٹی ہچ ئُ راستکی اس اف۔ حسین حقانی نا کنڈآن پاسپورٹ نا اجراءنا درخواست دوئی مننگ تو ن ہی پاسپورٹ ڈائریکٹوریٹ نا کنڈآن تخوک آ وخت اٹی پاسپورٹ نا اجراءکننگا و مروجہ وڑوڈول نا رداٹ واشنگٹن اٹی پاکستانی سفارت خانہ غا گدریفنگانے۔ ترجمان پارے کہ دا چرجوئی ٹی تاخیر نا زمہ واری ئِ وزارت داخلہ آ خلنگ قطعاََ مناسب اف۔
