سکردو۔ 21 اگست (اے پی پی) صدر مملکت ممنون حسین ئَ گوشت کہ گلگت بلتستان ئَ آپی چمگ آں چہ نپ زورگ ئِ ھاترا دمگ ئَ را نیشنل گرڈ ئَ گوں ھوار کنگ المی اِنت ئُُ ایشی ئِ ھاترا توامیں ضلوریگ ایں انتظامی زوت سرجم کنگ بہ بنت۔ صدر ئِ مملکت ممنون حسین ئَ گوشت کہ آپ ئُُ لین ئِ منصوبگ آنی بابت ئَ بریفنگ ئِ موہ ئَ گوشت۔ اے موہ ئَ گورنر میر غضنفر علی، وزیر اعلی حافظ حفیظ الرحمان، آپ ئُُ لین ئِ صوبائی وزیر حاجی اکبر تابان ئُُ ایندگہ مزنیں کارندہ ھوار اَتنت۔ صدر ئِ مملکت ممنون حسین ئَ گوشت کہ گلگت بلتستان ئَ نیشنل گرڈ ئَ گوں ھوار کنگ ئَ چہ دیمروئی ئِ تگ گیش تُرندتر بنت۔ آئی ئَ گوشت کہ معاشی دیمروئی ئِ نپ آنقاں اُلس ئِ دیم ئَ سر کنگ ئِ ھاترا آپ ئُُ لین ئِ پیداوار ئِ تہئَ گیشی ئُُ ایشرا راجی ٹرانسمیشن لائن ئَ گوں ھوار کنگ المی اِنت۔ صدر ئِ مملکت ممنون حسین ئَ گوشت کہ پاک چین اقتصادی راہداری ئِ تہ ئَ گیشاں چہ گیش نپ چست کنگ ئِ ھاترا توان ئِ جیڈھ آنی تہ ئَ وت واجہ بوھگ المی اِنت۔ صدر ئِ مملکت ممنون حسین ئَ ہدایت کُت کہ ریجنل گرڈ ئُُ توان ئِ پیداوار ئِ منصوبگ زوت سرجم کنگ بہ بنت تانکہ دیمروئی منصوبگ آنی نپ اُلس ئَ سر بہ بنت ئُُ ایشی ئَ چہ جوانیں رنگے ئَ سیت بہ زور اَنت۔ آئی ئَ گوشت کہ گلگت بلتستان ئَ دیمروئی ئِ منصوبگ آنی سرجمی ئَ حکومت وشدلی ئَ کمک کنت۔
