اسلام آباد۔ 21اگست (اے پی پی) نیشنل ایکشن پلان ئِ سر ئَ کار کنگ ئِ ھاترا جوڑ کتگیں کمیٹی ئِ اولی دیوان دو شمبے ئَ بیت ، اے دیوان مزن وزیر سیکرٹریٹ ئَ برجم دارگ بیت۔ راجی سلامتی ئِ مشیر لیفٹیننٹ جنرل (ر) ناصر جنجوعہ دیوان ئِ پاگواجئی کنت۔دیوان ئِ تہ ئَ کمیٹی ئِ توامیں باسک آں ھوار بُنجاھی سیکرٹریز ، توامیں صوبائی چیف چیرٹریز، چاریں صوبگ آنی آئی جیز پولیس، ڈائریکٹر جنرل ملٹری آپریشنز، انٹیلی جنس ادارگ آنی نمائندگ ئُُ توامیں تہی کارنی وزیراں ھوار ٹوھیں کارندہ بھر زوراَنت۔ سرکاری ھال در آنی رد ئَ اٹارنی جنرل آف پاکستان الیکٹرانک میڈیا ریگولیٹری اتھارٹی (پیمرا) ئِ چیئرمین ئُُ پاکستان ٹیلی کمیونیکشن اتھارٹی ئِ چیئرمین ئُُ بازیں بُنجاھی سیکرٹریز آناں ھاسیں بھر زوری دعوت دیگ بوتگ تانکہ راجی سلامتی یے کارانی بابت ئَ ایشاں چہ رایہ زورگ بہ بیت۔
