اسلام آباد۔ 21 اگست (اے پی پی) وزارت انفارمیشن ٹیکنالوجی و ٹیلی کمیونیکیشن 2018ئَ تاں بلوچستان ئِ 90درسد دمگ آنی تہ ئَ انٹرنیٹ ئِ آسراتی پُجارینگ بیت۔ وزارت ئِ کارندہ ئے گوں اے پی پی ئَ تران کنان ئَ آئی ئَ گوشت کہ آسراتی پُجارینگ ئِ بُنیاتی کار رھبند ئِ سر ئَ کار برجال اِنت۔ آئی ئَ گوشت کہ یونیورسل سروس فنڈ ئِ 46چِل ئُُ ششمی بورڈ ئِ دیوان ئَ ملک ئِ دور ئُُ گستائیں دمگ آنی تہئَ ٹیلی کمیونیکیشن ئِ آسراتی سر کنگ ئِ سر ئَ سرجمی ئَ چار ئُُ بچار کنگ بوتگ۔ اے دیوان ئِ تہ ئَ یونیورسل سروس فنڈ ئَ چہ آیوکیں منصوبگ آنی سر ئَ سرجمی ئَ: چار ئُُ تپاس کنلگ بوت ایشانی تہ ئَ ٹیلی سنٹرز آنی جوڑشِت، اسلام آباد کیپیٹل ایڈمنسٹریشن ئِ چیر دستیں نودربر آنی واستہ 100وانگ جاھ آنی تہ ئَ کمپیوٹر لیب ئُُ گوریچانیئُُ زرباری وزیرستان ئَ دیمروئی ئِ منصوبگ آنی رد ئَ براڈ بینڈ ئِ بندات ھواراَنت۔ یک جُستے ئِ پسو ئَ آئی ئَ گوشت کہ اے وھد ئَ یونیورسل سروس فنڈ آنی رد ئَ ملک ئِ چپ ئُُ چاگرد ئَ 20ارب کلدارے بازیں منصوبگ جاڑی اَنت ایشانی تہ ئَ انگت گیشی آرگ بیت۔ یونیورسل سروس فنڈ ئِ رد ئَ 70ارب کلدر ایر کنگ بوتگ ایشانی تہ ئَ 20ارب کلدار کوچگ ئُُ دیہات آنی ھاترا گیشینگ بوتگ اَنت۔ آئی ئَ گیش گوشت کہ بلوچستان ئِ دور ئُُ گستائیں دمگ آنی تہ ئَ ٹو جی سروس بندات کنگ بوتگ ئُُ 2018ئَ تاں ملک ئِ توامیں دمگ آنی تہئَ انٹرنیٹ ئِ آسراتی پُجارینگ بیت۔
