انقرہ۔ 21 اگست (اے پی پی) ترکی یے زرباری شہر غازی عنتاب ئَ یک شمبے ئِ بیگاہ ئَ آروسی مراگش ئِ تہئَ بمب تراک ئِ نتیجگ ئَ کم چہ کم 30مردم بیران ئُُ 94 مردم ٹپیگ بوتگ اَنت۔ غازی عنتاب ئِ گورنر ئَ سی این این ترکی ئَ گوں تران کنان ئَ آئی ئَ آروسی مراگش ئَ بوتگیں بمب تراکے تصدیق کُت ۔ شہر ئِ گورنر علی ییر لیکایا ئَ ایشی ئَ چہ پیسر گوشتگ اَت کہ شام ئِ سیم سر ئَ متصل ئِ دمگ ئَ یک وت کُشیں تراکی ئَ ناشرکاری کتگ ئُُ بازیں مردم کوشتگ اَنت۔
