راولپنڈی ، اسلام آباد، پشاور کراچی، حیدرآباد، لاہور، ملتان ، گوجرانوالہ ، فیصل آباد وکوئٹہ ٹی پنشنر آتا رجسٹریشن نا عمل الفلاح بینک نا 600 برانچ آتا کمک اٹ 30 ستمبر اسکان پورو کننگک
اسلام آباد۔ 18 اگست (اے پی پی) ایمپلائز اولڈ ایج بینیفٹس انسٹیٹیوشن نا پنشنر آتے اے ٹی ایم کارڈ انا کمک اٹ پنشن نا ادائیگی نا عمل زوت بناءکیک۔ ذرائع نا رداٹ ای او بی آئی اے ٹی ایم نا کمک اٹ مچ آملک اٹی پنشنر آتے پنشن نا ادائیگی کن غٹ المی بست وبند آتے پورو کرینے۔ راولپنڈی اسلام آباد پشاور کراچی حیدرآباد لاہور ملتان گوجرانوالہ فیصل آباد و کوئٹہ ٹی 23 مئی آن پنشنر آتا رجسٹریشن نا عمل بناءکننگاسس ہراکہ 30 ستمبر اسکان مچ آ ملک اٹی الفلاح بینک نا 600 برانچ آتا کمک اٹ پورو کننگک و دا ہندا بڑزکو شار آتا ہنکینی پنشنر آک یکم اکتوبر آن اے ٹی ایم نا کمک اٹ پنشن وصول کیرہ وخت اس کہ ملک انا ایلو شارتیٹی پنشنرآتا بائیومیٹرک رجسٹریشن الفلاح بینک آتیٹی 30 نومبر 2016ءاسکان برجاءسلک و دا پنشنر آک یکم دسمبر آن اے ٹی ایم نا کمک اٹ پنشن دوئی کننگ کیرہ۔ ای او بی آئی نا پنشنر آتے پارت کرینے کہ او تینا علاقہ غاتیٹی الفلاح نا خڑک انا برانچ آتیٹی تینا اصلی نادرا شناختی و پنشن بک ئِ دیر۔ پنشنر ز آک پین معلومداری کن ہیلپ لین نمبر 0800-3624 آ ہم رابطہ کننگ کیرہ۔