اسلام آباد۔ 17 اگست (اے پی پی ) وزیر مملکت تعلیم و تربیت انجینئر بلیغ الرحمان پارینے کہ پاک ترک اسکول آتا بابت آن ترکی نا حکومت نا گڑتی و ہندی کہول آ او اسکول آتاافادیت ئِ مون آ تخسافیصلہ کینہ، دا اسکول آتا بورڈ آف ڈائریکٹرز اٹی مسہ پاکستانی مخیر خواجہ غاک ہم اوارو ہرا کروڑ آ روپئی نا وظیفہ تننگ ئُ۔ چارشنبے آ قومی اسمبلی ٹی وقفہ سوج آتا وخت آ بلیغ الرحمان پارے کہ ہائیر ایجوکیشن کمیشن نا کہول آ استاد آتے جہانی کہول آ باقاعدہ ٹریننگ کرفنگک، غٹ سرکاری جامعہ غاتا کاریم ناکچ اٹی ودکی کن کوشست کننگ اُن، داسال اونا بجٹ ئِ ودفسا 92 ارب روپئی کننگا، 25ہزار ورناتے سالانہ تربیت تسکہ و داسال آن اوفتا کچئِ 50 ہزارکینہ۔ اوپارے کہ پاک ترک اسکول آتا بابت آن ترکی نا گڑتی آ حکومت نوٹس ہلکونے۔
