اسلام آباد۔ 15 اگست (اے پی پی) تہی کارانی وزیر چوہدری نثار علی خان ئَ گوں چین ئِ سفیر سن وی ڈانگ ئَ دو شمبے ئِ روچ ئَ گند ئُُ نند کُت۔ چین ئِ سفیر ئَ کوئٹہ ئَ بوتگیں ناشرکاری ئِ واکیہ ئَ را مزمت کُت ئُُ گران بہائیں بنی آدم آنی جانی تاوان ئِ سر ئَ جھلانکیں گم ئُُ اندو ئِ درشان کُت۔ تہی کارانی وزارت ئِ نیمگ ئَ چہ جاڑی بوتگیں ھال آنی رد ئَ چینی سفیر ئَ گوشتگ کہ ناشرکاری ئِ ھلاپ ئَ جنگ ئَ چینی حکومت ئُُ اُلس وتی پاکستانی برات آنی گوما ھم گام اَنت۔ چین ئِ سرڈگار ایمنی ئِ ھاترا پاکستانی جُہد ئُُ کوشست آنی ساڑا ئَ کنت۔ چینی سفیر ئَ گوشت کہ چین ئُُ پاکستان ئِ کوھنیں ئُُ بے مٹیں یکوئی دُژمن آنی پریشانی ئِ سبب اِنت پدا ھم اِچ زور ایشانی رکاوٹ بوت نہ کنت۔ تہی کار آنی وزیر چوہدری نثار علی خان ئَ گوشت کہ دوئیں ملک آنی سٹرٹیجک سیادی دمگ ئِ تہئَ ایمنی ئِ درور اَنت۔ آئی ئَ گوشت کہ پاکستان سی پیک منصوبگ ئَ را زوت سرجمی ئَ سر کنگ ئَ دلیکیم اِنت۔ چینی انجینئرز ئُُ کارندہ آنی سیکیورٹی ئَ را دل یکیم کنگ مئے بنداتی ترجی اِنت۔
