گہتری کار  ءِ برجاہ دارگ ءِ ھاترا پابندیں، رواں مالی سال ءَ اقتصادی دیمروئی ءِ شرح چار درسد ءَ چہ گیش بوھگ ءِ گمان اِنت، سینیٹر محمد اورنگزیب

اسلام آباد۔14اکتوبر  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گہتری کار  ءِ عمل ءَ را برجاہ دارگ ءِ پاکستان ءِ جزم ءِ یک رندے پدا گوشت کہ ایندگر ملک آنی گوما شریکداری ءَ کمک ءِ سر ءَ تجارت ءُ سرمایہ کاری ءَ را اولیت دیگ بوھگ ءَ اِنت ءُ مالی سال ءِ تہ ءَ اقتصادی دیمروئی ءِ شرح چار درسد یا گیش ءِ گمان اِنت۔ آئی ءَ اے گپ آئی ایم ایف ءُ ورلڈ بینک ءِ سالانہ دیوان آنی موہ ءَ بنکاک ءَ سٹی میکرو فورم ءِ دیوان ءَ بھر زوری کنگ ءُ سٹینڈرڈ چارٹرڈ سوورن انویسٹرز راؤنڈ ٹیبل ءَ گوں تران کنان ءَ کت۔ وزیر ءِ ھزانگ ءَ میاں اوستمانی سرمایہ کار آناں پاکستان ءِ اقتصادی منظر نامہ ءُ گہتری کار  ءِ ھوالگ ءَ اولیت آنی بابت ءَ سرپد کت۔ آئی ءَ گوشت کہ اقتصادی استحکام ءِ عمل ءَ برجاھیں پیشرفت کنگ بوھگ ءَ اِنت، بنجاہی مالیاتی سرپلس ءِ ھاترا سئے سال ءَ پد مالیاتی خسارہ 22سال ءِ کمیں کچ ءَ اِنت، زرّ ءِ ذخیرہ ءَ را مھکم کنگ ءِ واستہ گامگیج کنگ بوھگ ءَ اِنت۔ رواں مالی سال ءِ تہ ءَ اقتصادی دیمروئی ءِ شرح چاردرسد یا گیش ءِ گمان اِنت۔ وزیر خزانہ ءَ میاں اوستمانی سرمایہ کاری مارکیٹ آنی ھوالگ ءَ پاکستان ءِ حکمت عملی ءِ بابت ءَ گپ ءُ تران کنان ءَ پانڈا بانڈز، سکوک ءُ میاں اوستمانی بانڈز ءِ جاری کنگ ءِ منصوبگ آنی ذکر کت کہ آ کلدار ءِ تہ ءَ بنت بلے ڈالر ءِ تہ ءَ ادا کنگ بنت ءُ گوشت کہ مالیاتی وسیلگ آنی وسیلگ آنی تہ ءَ گیشی ءِ واستہ گامگیج کنگ بوھگ ءَ انت، وام ءِ ھرچ ءُ درچ ءَ را کم کنگ ءُ وام ءِ وھد ءَ را گیش کنگ بوھگ ءَ انت۔ آئی ایم ایف پروگرام ءِ چیر دستی ءَ پیشرفت کنگ، ٹیکس نیٹ ءَ را گیش کنگ، کانود آنی سر ءَ جوانیں رنگ ءَ عمل کنگ ءُ مالیاتی ڈسپلن ءِ برجائی ءِ واستہ صوبگ آنی گوما موثر رابطہ کنگ بوھگ ءَ انت۔ میاں اوستمانی جیڈھ ءِ آسر آنی سر ءَ تران کنان ءَ وزیر ھزانگ ءَ توان ءِ پھجاری ءِ برجائی ءُ استیں بجٹ ءِ تخصیص ءِ تہ ءَ نزوریں گل آناں ھدف مندیں ریلیف پجارینگ ءِ واستہ گامگیج آنی سر ءَ چمشانک دات۔ گند ءُ نند ءَ موسمیاتی مٹ ءُ بدل ءِ اثرات ءَ گوں گر ءُ چیل بوھگ ءِ صلاحیت، آفت ءِ تیاری ءُ دیمروئی فنانس ءِ جوانیں رنگ ءَ کارمرد کنگ ءِ بابت ءَ ھم گپ ءُ تران کنگ بوت۔ وزیر خزانہ ءَ پاکستان ءِ برجاھیں گہتری کار  ءِ جزم ءِ سر ءَ زور پر دات ءُ ایندگر ملک آنی گوما شریکی ءَ کمک ءَ چہ تجارت ءُ سرمایہ کاری ءِ نیمگ ءَ رھادگ بوھگ ءِ ارزشت ءِ سر ءَ زور پر دات۔ سینیٹر محمد اورنگزیب ءَ سٹینڈرڈ چارٹرڈ بینک ءِ وت واجہیں سرمایہ کار آنی دیوان ءَ پاکستان ءِ اقتصادی دیمروئی ءِ بابت ءَ ھم سرمایہ کار آناں سرپد کت۔ وزیر ءِ ھزانگ ءَ گوشت کہ ڈھانچہ ءِ گہتری کار  آنی سلسلہ جاری اِنت، مالیاتی ڈسپلن ءَ را دل یکیمی کنگ بوھگ ءَ اِنت، ٹیکس ءِ کانود آنی سر ءَ جوانیں رنگ ءَ عمل درآمد ءُ آئی ایم ایف پروگرام ءَ پد سرمایہ کاری ءُ برآمد ءِ سروکی ءَ دیمروئی مئے اولی ترجی اَنت۔ گند ءُ نند ءَ زرّ ءِ ذخیرہ ءِ مھکم کنگ، مہنگائی، دری شوبگ ءِ جاور ھال، توانائی ءِ ایمنی، ٹارگٹڈ ریلیف ءُ موسمیاتی فنانس ءِ سر ءَ ھم ھیال ریچی کنگ بوت۔ وزیر خزانہ ءَ گہتری کار  ءِ عمل ءَ را برجاہ دارگ ءُ پاکستان ءِ وت واجہی ءِ کریڈٹ ریٹنگ ءَ را گیش گہتر کنگ ءِ حکومت ءِ جزم ءِ یک رندے پدر کت۔\932