وفاقی وزیر وانگ ءُ زانگ ءَ پاکستان ءَ ایتھوپیا ءِ سفیر ءَ گوں گند ءُ نند کت، وانگ ءُ زانگ ءِ شوبگ ءَ وت مہ وتی کمک ءِ دیمروئی ءِ بابت ءَ گپ ءُ تران

اسلام آباد۔9اکتوبر  (اے پی پی):  وفاقی وانگ ءُ زانگ ءُ پیشہ وارانہ تربیت ءِ وفاقی وزیر سید خالد مقبول صدیقی ءَ پاکستان ءَ ایتھوپیا ءِ سفیرڈاکٹر عمر حسین اوبا  ءَ گوں وفاقی وزارت وانگ ءُ زانگ ءُ پیشہ وارانہ تربیت ءَ گند ءُ نند کت۔ گند ءُ نند ءِ ساھت ءَ وانگ ءُ زانگ، ہائیر ایجوکیشن، ٹیکنیکل ءُ پیشہ وارانہ وانگ ءُ زانگ، STEAM وانگ ءُ زانگ، پٹ ءُ پول ءُ وانگ ءُ زانگ ءِ ادارگ آنی نیام ءَ رابطہ ءِ ھواریں وت مہ وتی کمک ءِ گیش دیمروئی ءِ ھوالگ ءَ جیڈھ آنی سر ءَ گپ ءُ تران کنگ بوت۔ ایتھوپیا ءِ سفیر ءَ را وش اتک کنان ءَ وفاقی وزیر ءَ گوشت کہ پاکستان ایتھوپیا ءِ گوما وتی دیریں ءُ دوستی ءِ سیادی ءَ را ارزشت دنت ءُ ھاسیں رنگ ءَ وانگ ءُ زانگ ءِ پڑ ءَ دو نیمگی کمک ءَ را گیش وسعت دیگ ءِ واھشت مند اِنت۔ آئی ءَ گوشت کہ پاکستان ءُ ایتھوپیا ءِ نیام ءَ 1973ءَ سفارتی سیادی جوڑ بوتگ اَنت، وھدیکہ 2022ءَ اسلام آباد ءَ ایتھوپیا ءِ سفارتخانہ ءِ جوڑ کنگ دوئیں ملک آنی نیام ءَ سیادی ءَ را گیش مھکم کنگ ءِ واستہ مزنیں گامگیج اِنت۔ گند ءُ نند ءَ وانگ ءُ زانگ ءِ پڑ ءَ کمک ءِ ھوالگ ءَ مفاہمت نامہ ءِ مسودہ ءِ سر ءَ دلگوشی دیگ بوتگ کہ ایشی ءَ را دسمبر 2025 ءَ سفارتی چینل آنی وسیلگ ءَ ایتھوپیا ءِ نیمگ ءَ را چار ءُ تپاسی ءِ واستہ روان دیگ بوتگ۔ پیش کرتگیں مفاہمت نامہ ءِ مول ءُ مراد دوئیں ملک آنی نیام ءَ وانگ ءُ زانگ ءِ کمک ءِ واستہ یک منظم ءُ جامع فریم ورک ءِ دیم ءَ آرگ اِنت کہ ایشی ءِ تہ ءَ ہائیر ایجوکیشن، تکنیکی ءُ پیشہ وارانہ وانگ ءُ زانگ ءُ تربیت، STEAM وانگ ءُ زانگ، ءُ وانگ ءُ زانگ ءُ ادارگی رابطہ ھوار اَنت۔ وفاقی وزیر ءَ ایتھوپیا ءِ نیمگ ءَ چہ لوٹ کت کہ آ مفاہمت نامہ ءِ مسودہ ءِ انوگیں پیشرفت ءِ بابت ءَ سرپد بہ کنت ءُ اے درگت ءَ ھرچ تبصرہ یا سوج ءِ بابت ءَ پاکستان ءَ را سرپد بہ کنت۔ آئی ءَ گوشت کہ پاکستان ایتھوپیا ءَ چہ رستگیں سوج ءُ ھیال آنی سر ءَ چار ءُ تپاسی ءِ واستہ تیار اِنت ءُ وت مہ وتی رضامندی ءَ چہ مسودہ ءَ را گڈی رنگ ءَ جوڑ کنگ ءِ واستہ تیار اِنت، تانکہ ایشی ءَ را جوانیں سفارتی چینل آنی وسیلگ ءَ دیم ءَ برگ بہ بیت۔ ہائیر ایجوکیشن ءِ پڑ ءَ کمک ءِ ھوالگ ءَ وفاقی وزیر ءَ یکجائی سیمینار، ورکشاپ ءُ ویبنار، مہمان لیکچر، استاد ءُ ماہرین آنی تبادلہ، نودربر آنی رابطہ، دود ءُ ربیدگ ءِ تبادلہ، پٹ ءُ پولی کار، نوکیں منصوبگ ءُ وانگ ءُ زانگ ءِ وسیلگ آناں بھر ءُ بانگ ءِ مزنیں امکانات آنی سر ءَ زور پر دات۔ آئی ءَ دوئیں ملک آنی یونیورسٹی ءُ پٹ ءُ پولی ادارگ آنی نیام ءَ براہ راست رابطہ آنی دیمروئی ءِ واستہ دلبڈی دات ءُ گوشت کہ اے وڑیں رابطہ آنی سبب ءَ فیکلٹی آنی یکوئی کمک، یکجائی پٹ ءُ پول ءُ نودربر آنی واستہ اکیڈمک ءُ پٹ ءُ پولی موہ آنی تہ ءَ گیشی ءِ سبب جوڑ بوت کنت۔ وفاقی وزیر ءَ تکنیکی ءُ پیشہ وارانہ وانگ ءُ زانگ ءُ مہارت ءِ دیمروئی ءِ شوبگ ءَ کمک ءِ مزنیں امکانات آنی سر ءَ ھم زور پر دات۔ پاکستان ءِ راجی پیشہ وارانہ ءُ تکنیکی تربیت کمیشن ءُ ایتھوپیا ءِ سیادی داروکیں ادارگ آنی نیام ءَ کمک ءِ ضلورت ءِ سر ءَ زور پر دیان ءَ آئی ءَ گوشت کہ دوئیں ملک مہارت ءِ دیمروئی، پیشہ وارانہ معیار، صنعت ءِ رد ءَ تربیت ءُ ادارگی گنجائش سازی ءِ شوبگ آنی تہ ءَ تجروبت آنی مبادلہ کت کن اَنت۔ آئی ءَ گوشت کہ نوکیں مہارت آنی ضلورت ءُ لیبر مارکیٹ ءِ رجحان آنی بابت ءَ سرپدی ءِ تبادلہ ءَ چہ دوئیں ملک آنی تہ ءَ روزگار ءِ موہ ءُ مارکیٹ ءِ ضلورت آنی گوما تربیتی پروگرام آناں جوانیں رنگ ءَ یکجا کنگ ءَ ھم کمک رس ایت۔ گند ءُ نند ءِ ساھت ءَ STEAM وانگ ءُ زانگ ءِ پڑ ءَ کمک ءِ امکانات آنی سر ءَ ھم گپ ءُ تران کنگ بوت، ایشی ءِ تہ ءَ پٹ ءُ پول ءِ سر ءَ بنیات ءُ بین الکلیاتی وانگ ءُ زانگ ءِ رھبند، پٹ ءُ پولی کار، وانینگ ءِ تجربگ ءُ وانگ ءُ زانگ ءِ وسیلگ آنی بدلی ءِ سر ءَ زور دیگ بوت۔ وفاقی وزیر ءَ وانگ ءُ زانگ ءُ نوآبادیاتی ءِ اے نوکیں پڑ آنی تہ ءَ ایتھوپیا ءِ گوما کمک کنگ ءِ واستہ پاکستان ءِ تیاری ءِ درشان کت۔ وفاقی وزیر ءَ سوج دات کہ مفاہمت نامہ ءِ مسودہ ءِ سر ءَ ایتھوپیا ءِ سوج آنی رسگ ءَ پد دوئیں ملک آنی فوکل پرسن آناں وت مہ وتی رابطہ ءِ وسیلگ ءَ زیر التواء جیڈھ آناں گیش ءُ گیوار کنگ ءُ وت مہ وتی رضامندی ءَ چہ مسودہ ءَ را گڈی رنگ ءَ دیگ لوٹ ایت۔ آئی ءَ امیت سہرا کت کہ ایشی ءَ پد جوانیں سفارتی چینلز ءِ وسیلگ ءَ مفاہمت نامہ ءَ را گڈی رنگ دیگ ءُ دستخط کنگ ءِ واستہ پیشرفت کنگ بیت۔ وفاقی وزیر ءَ گوشت کہ پاکستان ءُ ایتھوپیا ءَ را وتی دوستیں دو نیمگی سیادی ءَ را عملی وانگ ءُ زانگ ءِ کمک ءَ را بدل کنگ ءِ واستہ یکجائی کوشست آناں برجاہ دارگی اِنت، تانکہ دوئیں ملک آنی نودربر، استاد، وانگ ءُ زانگ ءِ ادارگ ءُ مہارت ءِ شوبگ آنی واستہ ٹھوس ءُ موثر موہ پیداک کنگ بہ بنت۔ ایتھوپیا ءِ سفیر ڈاکٹر عمر حسین اوبا ءَ جوانیں وش اتک ءِ پد ءَ وفاقی وزیر ءِ منت گپت ءُ پاکستان ءُ ایتھوپیا ءِ نیام ءَ دو نیمگی سیادی آناں گیش مھکم کنگ ءِ جزم ءِ درشان کت۔ آئی ءَ وانگ ءُ زانگ، پٹ ءُ پول ءُ وانگ ءُ زانگ ءِ ادارگ آنی نیام ءَ سیادی ءِ دیمروئی ءِ ارزشت ءِ سر ءَ زور پر دات ءُ دوئیں ملک آنی یونیورسٹی ءُ پٹ ءُ پولی ادارگ آنی نیام ءَ گیشیں کمک ءِ مزنیں گنجائش آنی سر ءَ زور پر دات۔ گند ءُ نند ءِ گڈ ءَ دوئیں نیمگاں وانگ ءُ زانگ ءِ شوبگ ءَ پیش کرتگیں کمکی فریم ورک ءَ را دیم ءَ برگ ءُ ٹھوس دمگ آنی نشاندہی کنگ ءِ واستہ وتی جزم ءِ درشان کت کہ ایشی ءِ وسیلگ ءَ پاکستان ءُ ایتھوپیا ءِ نیام ءَ وانگ ءُ زانگ ءِ رابطہ ءُ مردم آنی سیادی ءَ را گیش مھکم کنگ بوت کنت۔