مزن وزیر ءِ صنعت ءُ پیداوار ءِ شور ءُ سلاہ ہارون اختر خان ءَ لاہور چیمبر آف کامرس اینڈ انڈسٹری ءِ تر ءُ تاب

لاہور؍ اسلام آباد۔9اکتوبر  (اے پی پی): مزن وزیر ءِ صنعت ءُ پیداوار ءِ بابت ءَ مشیر ہارون اختر خان ءَ لاہور چیمبر آف کامرس اینڈ انڈسٹری ءِ تر ءُ تاب کتگ ءُ لاہور چیمبر ءِ صدر علی حسام اصغر ءَ گوں گند ءُ نند کتگ۔ وزارت صنعت ءُ پیداوار ءِ نیمگ ءَ جمعہ ءِ روچ ءَ ادا جاڑی بوتگیں پریس ریلیز ءِ رد ءَ اے موہ ءِ سر ءَ صنعتی ءُ تجارتی شعبہ ءُ ملک ءِ صنعتی دیمروئی ءِ دیم ءَ اوشتاتگیں جیڈھ آنی سر ءَ صنعت ءُ تجارت ءِ دیمروئی ءُ کاروباری چست ءُ ایر آنی تہ ءَ گیشی ءِ واستہ گامگیج آنی سر ءَ گپ ءُ تران کنگ بوتگ۔ گند ءُ نند ءِ ساھت ءَ ھارون اختر خان ءَ گوشت کہ کاروباری برات ءَ گوں دوچار کپتگیں جیڈھ آنی گیواری حکومت ءِ اولی کار آنی تہ ءَ ھوار انت۔ آئی ءَ گوشت کہ ملک ءَ سرمایہ کاری ءَ را دیمروئی دیگ ءِ واستہ حکومت ءُ جندی شوبگ ءِ نیام ءَ جوانیں رابطہ کاری المی اِنت۔ ہارون اختر خان ءَ گیش گوشت کہ کاروباری براتی ءِ پنت ءُ شون صنعتی دیمروئی ءُ کاروباری چاگرد ءِ گہتری ءِ واستہ المی انت۔ گند ءُ نند ءَ ایل سی سی آئی ءِ سینئر نائب صدر سردار عثمان غنی، نائب صدر چوہدری خادم حسین ءُ ایندگر عہدہ دار ءُ باسک ھم ھوار اتنت۔