آئی ایم ایف معاہدہ پاکستان نا زرگزرانی سوگوی و ساکھ اٹی گچینی نا اعتراف ءِ ، خرم شہزاد

اسلام آباد۔ 08 اکتوبر (اے پی پی): بنجائی وزیر خزانہ نا سلاہکار خرم شہزاد پارینے کہ آئی ایم ایف و پاکستان نا نیام اٹ توسیعی فنڈ سہولت (ای ایف ایف) نا چارمیکو و ریزیلینس اینڈ سسٹین ایبلٹی فسیلٹی (آر ایس ایف) نا مسٹ میکوجاچ آ اسٹاف کہول انا معاہدہ پاکستان نا زرگزرانی سوگوی واصلاحات نا سفر اٹ بھلو پیش رفت اسے ۔ پنچ شنبے نادے آداڑے جاری بیان اسے ٹی او پارے کہ معاہدہ غان کم و ود 1.2 ارب ڈالر نا ودکی فنانسنگ نا کسر آوار مسنے۔ خرم شہزاد پارے کہ آئی ایم ایف نا جاچ انا رداٹ مشکل پیشن نا چاگڑد آن پد ہم پروگرام آ عملدرآمد جم وڑ اٹ سہی کسر آ برجامس ، سوگو پالیسی تا سوب آن زرگزرانی سوگوار ی ءِ برقرار تخنگ اٹ کمک رسینگانے، ہراٹیدے ٹک نیامی نا جھیڑہ نا اثر آتون مون تننگ ہم اوار ءِ۔ او پارے کہ ستمبر 2026 نا ایسری اسکان پاکستان نا زر مبادلہ نا کوڑی کم و ود 21.5 ارب ڈالر اسکان سر مس، وخت اس کہ مالی سال 26-2025 نا وخت آزرراہی تس نا سوگو آمد نا سوب آن کرنٹ اکاؤنٹ جم وڑ اٹ متوازن مس۔ وزیر خزانہ نا سلاہکار پارے کہ آئی ایم ایف پارینے کہ وتواجہ کریڈٹ ریٹنگ اٹ گچینی و جہانی کیپٹل مارکیٹ اسکان دُوارہ رسینگ ہم پاکستان نا پالیسی ساکھ اٹ ودکی نا عکاسیءِ کیک۔ جانجوڑی و تعلیم نا بشخ آتیٹیخڑچ مالی سال 24-2023 نا وخت اٹ جی ڈی پی نا 2.2 درسد آن ودسا مالی سال 26-2025 ٹی 2.5 درسد مسنے، وخت اس کہ مالی سال 27-2026 اٹی دا خڑچ آتیٹی پین ودکی نا ہدف مقرر کننگانے۔ خرم شہزاد پارے کہ پنجرجاتی اصلاحات نا بابت ہم پیش رفت برجاءِ۔ پبلک فنانشل مینجمنٹ نا بشخ اٹ بجٹ سازی، سرکاریزرکاری،خریداری نا عمل و حکومتی نقدی نا انتظام نا کارکڑد و شفافیت ءِ گچین کننگ نا گام گیج کننگ انگ ءِ۔ او پارے کہ محصول آتا انتظام اٹ رسک بیسڈ آڈٹ، ڈیجیٹل انوائسنگ و تھرڈ پارٹی ڈیٹا نا زیات کاریم اٹ اتنگ آ پیش رفت برجاءِ، وخت اس کہ توانائی نا بشخ اٹ مالیسوگوی ءِ گچین کننگ، خڑچ و نسخان آتے کم کننگ، نجی بشخ نا بشخ ہلنگ ءِ ودفنگ و مسابقت ءِ مون آ دننگ کن اصلاحات برجاءِ ۔