وزیر ءِ زرئی کار ءَ ’یک دروازگ‘ بندرگاہ ءِ کاروباری آسراتی ءِ مرکز ءِ جوڑ کنگ ءِ سر ءَ کار ءَ را ترند کنگ ءِ پنت ءُ شون

اسلام آباد۔3اکتوبر  (اے پی پی): وفاقی وزیر برائے میری ٹائم محمد جنید انور چوہدری ءَ کراچی ءَ ’’یک درواز‘‘ بندرگاہ ءِ کاروباری آسراتی ءِ مرکز ءِ جوڑ کنگ ءِ کار ءَ را ترند کنگ ءِ پنت ءُ شون کتگ تانکہ بندرگاہ ءَ گوں سیادی داروکیں کاروباری آسراتی یکیں چھت ءِ چیر ءَ پجارینگ بہ بنت۔ مزن وزیر ءِ وژن ءِ رد ءَ بندرگاہ ءِ تجارت ءَ گوں سیادی داروکیں توامیں ازمت یکیں بام ءِ چیر ءَ بہ بنت۔ وزارت سمندری امور ءِ رد ءَ وفاقی وزیر ءَ اے پنت ءُ شون وزارت سمندری امور ءِ جاری منصوبگ ءُ گامگیج آنی سر ءَ چار ءُ تپاسی ءِ واستہ برجم داشتگیں ہفتگی دیوان ءِ ساھت ءَ داتگ۔ دیوان ءَ دریائی تجارت ءِ آسراتی، ماہی گیری ءِ شوبگ ءَ را مھکم کنگ ءُ ملک ءِ ’نیلیں معیشت‘ (زرئی معیشت) ءِ دیمروئی ءِ واستہ جتا جتائیں منصوبگ ءُ پالیسی گامگیج آنی سر ءَ پیشرفت ءِ چار ءُ تپاسی کنگ بوت۔ کاروباری آسراتی ءِ واستہ مجوزہ ’یک دروازگ ءِ سیل‘ ءِ سر ءَ کار ءَ را ترند کنگ ءِ ضلورت ءِ سر ءَ زور پر دیان ءَ وفاقی وزیر ءَ گوشت کہ اے گامگیج ءِ مول ءُ مراد بندرگاہ ءَ گوں سیادی داروکیں کاروبار آنی واستہ سرکاری ازمت آناں رسائی ءِ آسراتی دیگ اِنت۔ آئی ءَ گوشت کہ تجارت ءِ تہ ءَ آسانی ءِ واستہ مزن وزیر ءِ وژن ءِ رد ءَ بندرگاہ ءِ تجارت ءَ گوں سیادی داروکیں توامیں ازمت یکیں چھت ءِ چیر ءَ بہ بنت۔ دیوان ءَ جہاز ءُ ماہی گیری ءِ کشتی آنی رجسٹریشن ءِ عمل ءَ را آسان کنگ ءِ تجویز آنی سر ءَ ھم چار ءُ تپاسی کنگ بوتگ ءُ ھمے رنگ ءَ نیلیں معیشت ءِ ھوالگ ءَ گامگیج آنی سر ءَ ھم چار ءُ تپاسی کنگ بوتگ ءُ ماہی گیری ءِ چیز آنی برآمد کنوک آنی واستہ ٹیکس ءِ ترغیب آنی سر ءَ ھم چار ءُ تپاسی کنگ بوتگ۔ گند ءُ نند ءِ ساھت ءَ وفاقی وزیر محمد جنید انور چوہدری ءَ را ’’راجی میری ٹائم پالیشی‘’ ءُ ’’راجی ماہی گیری ءُ زرئی کشت ءُ کشاری‘‘ ءِ جوڑیشت ءِ تہ ءَ بوتگیں پیشرفت ءِ بابت ءَ سرپدی دیگ بوت۔ دیوان ءَ جہاز رانی ءُ ٹرانس شپمنٹ پالیشی ءِ ھوار بندرگاہ قاسم ءَ دیمروئی منصوبگ آنی سر ءَ ھم گپ ءُ تران کنگ بوت، ایشی ءِ تہ ءَ ’’سی ٹو اسٹیل‘‘ منصوبگ ءُ پیش کرتگیں ’انٹیگریٹڈ میری ٹائم انڈسٹریل کمپلیکس‘ ھوار اَنت۔ کراچی بندرگاہ ٹرسٹ ءِ منورہ ورکشاپ ءِ بحالی ءُ گوادر بندرگاہ ءَ جتا جتائیں دیمروئی منصوبگ آنی سر ءَ پیشرفت ءِ سر ءَ ھم چار ءُ تپاسی کنگ بوت۔ دیوان ءَ ’’مری ٹائم ایجوکیشنل اینڈومنٹ فنڈ‘‘ ءِ سر ءَ ھم ھیال ءُ لیکہ کنگ بوتگ کہ ایشی ءِ مول ءُ مراد دریائی وانگ ءُ زانگ ءُ انسانی وسیلگ آنی دیمروئی ءِ تہ ءَ کمک ءِ پھجارینگ اِنت۔ وفاقی وزیر ءَ سیادی داروکیں واکدار آناں پنت ءُ شون کت کہ آ منصوبگ آنی سر ءَ کار ءِ رفتار ءَ را برجائی بہ کن اَنت ءُ وھد ءِ سر ءَ پیشرفت ءَ را دل یکیمی بہ کن اَنت ءُ ھاسیں رنگ ءَ اے وڑیں گامگیج آنی سر ءَ دلگوش بہ کن اَنت کہ ایشی ءَ چہ میری ٹائم سیکٹر ءَ کاروبار کنگ ءِ آسراتی رس ایت۔