محسن نقوی ءَ بلوچستان ءُ خیبرپختونخوا ءَ آپریشن ءِ وھد ءَ 11 ناشرکارانی کوش ءِ پد ءَ سیکورٹی فورسز ءَ را توسیپ ءُ ستا ءِ درشان

اسلام آباد۔3اکتوبر  (اے پی پی): وفاقی تہی کارانی وزیر محسن نقوی ءَ بلوچستان ءُ خیبر پختونخوا ءَ ’’خوارج‘‘ ءِ ھلاپ ءَ انٹیلی جنس ءِ سر ءَ بنیات ءَ سوبمندیں آپریشن کنگ ءِ ھاتر ءَ سیکورٹی فورسز ءَ را شگر ءُ منت گپت کہ ایشی ءِ تہ ءَ آپریشن ءِ ساھت ءَ سرجم ءَ 11 ناشرکار بیران بوتگ اَنت۔ وزارت داخلہ ءِ رد ءَ وفاقی وزیر ءَ شمبے ءِ روچ ءَ وتی بیان ءَ ناشرکار آنی منصوبگ آناں ناکام کنگ ءِ سر ءَ سیکورٹی فورسز ءِ توسیپ کتگ ءُ آپریشن ءِ وھد ءَ آھانی پیشہ وارانہ صلاحیت آناں ھم من اِتگ۔ محسن نقوی ءَ گشتگ کہ سیکورٹی فورسز ءَ جنوبی وزیرستان ءَ انٹیلی جنس ءِ بنیات ءَ آپریشن ءِ وھد ءَ 5 خوارج کشگ بوتگ انت۔ آئی ءَ گیش کرتگ کہ بلوچستان ءِ دمگ مشکل ءَ دگہ آپریشن ءِ وھد ءَ دگہ شش خوارج بیران بوتگ اَنت۔ وزیر داخلہ ءَ گوشت کہ سیکورٹی فورسز ءِ بہادریں سپاھیگ آنی سر ءَ راج ءَ را پھر انت کہ ناشرکاری ءِ ھلاپ ءَ جنگ ءَ وتی فرض ءَ پیلو کنگ ءَ انت۔ آئی ءَ ناشرکاریں عناصر ءِ ھلاپ ءَ کارروائی ءِ تہ ءَ آھانی کوشست ءُ جزم ءِ توسیپ کت۔ محسن نقوی ءَ گوشت کہ ناشرکاری ءِ حلاف ءَ برجاھیں مہم ءِ تہ سرجمیں راج سیکورٹی فورسز ءِ گوما اوشتاتگ۔ آئی ءَ اے گپ ءِ سر ءَ زور پر دات کہ امن ءُ ایمنی ءِ برجائی ءِ واستہ کوشست آناں مھکم کنگ ءِ واستہ الس ءِ کمک یک ھاسیں کردے ۔ وزیر داخلہ ءَ اے جزم ءِ یک رندے پدا گوشت کہ الس ءِ کمک ءُ سیکورٹی فورسز ءِ برجاھیں کوشست آنی گوما ناشرکاری سرجمی ءَ ھلاس کنگ بیت۔ آئی ءَ گوشت کہ ملک ناشرکاریں عناصر ءَ را ھلاس کنگ ءُ توامیں پڑ ءَ ایمنی ءَ را دل یکیمی کنگ ءِ واستہ جزمیگ آں۔