مزن وزیر محمد شہباز شریف ءَ ملائیشیا ءِ ھمکار انور ابراہیم ءَ گوں آئی ءِ مزنیں برات ءِ بیرانی ءِ سر ءَ  دلپدردی درشان

اسلام آباد۔1اکتوبر  (اے پی پی): مزن وزیر محمد شہباز شریف ءَ ملائیشیا ءِ مزن وزیر انور ابراہیم ءَ گوں فون ءِ وسیلگ ءَ آئی ءِ مستریں برات ءِ بیرانی ءِ سر ءَ دلپدردی ءِ درشانی کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ ملائیشیا ءِ مزن وزیر انور ابراہیم ءَ گوں سک گرم ءُ دوستانہ چاگرد ءَ فون ءِ سر ءَ گپ ءُ تران کتگ۔ مزن وزیر ءَ ملائیشیا ءِ مزن وزیر ءِ بیران بوتگیں برات ءِ ابدی امن ءِ دعا کت ءُ اے گرانیں وھد ءَ مزن وزیر انور ابراہیم ءُ آئی ءِ ھاندان ءِ واستہ صبر ءُ اوپار ءِ دعا کت۔ ملائیشیا ءِ مزن وزیر ءَ برات ءِ بیرانی ءِ سر ءَ مزن وزیر محمد شہباز شریف ءِ شگر ءُ منت گپت ءُ آئی ءِ واستہ نیکیں واھگ آنی درشان کت۔ دوئیں بامرد آں پاکستان ءُ ملائیشیا ءِ نیام ءَ ھاسیں رنگ ءَ اقتصادی کمک ءِ شوبگ ءَ دو نیمگی سیادی ءَ را گیش مھکم کنگ ءِ واستہ وتی جزم ءِ سر ءَ زور پر دات۔