سینیٹ ءِ چیئرمین سید یوسف رضا گیلانی ءَ مراکش ءِ اولی زالبولیں مزن وزیر فاطمہ زہرہ المنصوری ءَ را مبارک بات

اسلام آباد۔1اکتوبر  (اے پی پی): سینیٹ ءِ چیئرمین سید یوسف رضا گیلانی ءَ فاطمہ زہرا المنصوری ءَ را مراکش ءِ اولی زالبولیں مزن وزیر ءِ بستار ءَ گچین بوھگ ءِ سر ءَ دل ءِ جہلانکی ءَ چہ مبارک بات داتگ ءُ آئی ءَ را اے اگدہ ءِ سر ءَ سر بوھگ ءِ ھاتر ءَ نیکیں واھگ آنی درشان کتگ۔ سینیٹ سیکرٹریٹ ءِ رد ءَ چیئرمین سینیٹ ءَ وتی مبارکی کلوہ ءِ تہ ءَ گوشت کہ فاطمہ زھرہ المنصوری ءِ مزن وزیر ءِ بستار ءَ گچین کنگ مراکش ءِ سیاسی راجدپتر ءِ تہ ءَ یک ھاسیں سنگ میل ءُ سیاسی سروکی ءُ سرکاری کار آنی تہ ءَ زالبول آنی کرد ءِ منگ اِنت۔ آئی ءَ دل یکیمی ءِ درشان کت کہ فاطمہ زہرہ المنصوری وتی تجربہ ءُ رہشونی ءِ مہارت ءَ چہ کارمرد کنان ءَ مراکش ءِ دیمروئی، وشھالی ءُ السی وشھالی ءِ تہ ءَ جوانیں کرد پیلو کنت۔ سینیٹ ءِ چیئرمین سید یوسف رضا گیلانی ءَ یات دات کہ شہید محترمہ بے نظیر بھٹو پاکستان ءُ اسلامی دنیا ءِ اولی زالبولیں مزن وزیر بوتگ آئی ءَ جمہوریت ءُ راجی ازمت ءِ ھاتر ءَ ناقابل فراموشیں ازمت کتگ۔ آئی ءَ گوشت کہ مراکش ءَ اولی زالبولیں مزن وزیر ءِ گچین کنگ اسلامی دگنیا ءَ زالبول آنی سیاسی بھر زوری ءُ سروکی ءِ تہ ءَ یک دگہ ھاسیں دیمروئی اِنت۔ آئی ئَ گوشت کہ پاکستان ئُُ مراکش ئِ نیام ئَ دیریں برات ئِ سیادی است اَنت، ایشی ئِ بنیات ئَ وت مہ وتی شرپ ئِ شرپ، یکجائی ئِ ارزشت، نزیکیں پارلیمانی سیادی ئُُ مھکمیں الس ئَ را سیادی اِنت۔ آئی ءَ دل یکیمی ءِ درشان کت کہ نوکیں حکومت ءِ دور ءَ دوئیں ملک آنی نیام ءَ دو نیمگی سیادی ھاسیں رنگ ءَ پارلیمانی کمک ءَ را گیش مھکم کنگ بیت۔ چیئرمین سینیٹ ءَ مراکش ءِ بادشاہی ءِ حکومت ءُ الس ءِ واستہ امن ، دیمروئی ءُ وشھالی ءِ واستہ نیکیں واھشت آنی درشان کت۔