پاکستان ءُ مصر ءِ دری کارانی وزیراں دوئیں ملک آنی نیام ءَ دیریں براتی سیادی آنی پدا پدر کنگ، جتا جتائیں پڑ آنی تہ ءَ دو نیمگی کمک ءَ را گیش مھکم کنگ ءِ جزم ءِ درشان

نیویارک ۔21ستمبر  (اے پی پی): پاکستان ءُ مصر ءِ دری کارانی وزیر آں دوئیں ملک آنی نیام ءَ دیریں براتی سیادی ءِ پدا پدر کتگ ءُ جتا جتائیں پڑ آنی تہ ءَ دو نیمگی کمک ءَ را گیش مھکم کنگ ءِ جزم ءِ درشانی کتگ، ایشی ءِ تہ ءَ تجارت ءُ سرمایہ کاری، اقتصادی کمک، وانگ ءُ زانگ، دود ءُ ربیدگ ءِ تبادلہ ءُ مردم آنی رابطہ ھوار اَنت۔ سئے شمبے ءِ روچ ءَ وزارت ءِ درئی کار ءِ جارکش ءِ نیمگ ءَ جاڑی بوتگیں بیان ءِ رد ءَ اقوام متحدہ ءِ جنرل اسمبلی ءِ 81می دیوان ءِ ساھت ءَ نائب مزن وزیر ءُ دری کارانی وزیر ایس محمد اسحاق ڈار ءَ مصر ءِ دری کارانی وزیر ڈاکٹر بدر عبدالعتی ءَ گوں گند ءُ نند کتگ۔ دوئیں دری کارانی وزیر آں پاکستان ءُ مصر ءِ نیام ءَ دیریں براتی سیادی ءِ پدا پدر کت ءُ جتا جتائیں پڑ آنی تہ ءَ دو نیمگی کمک ءَ را گیش مھکم کنگ ءِ جزم ءِ درشان کت، ایشی ءِ تہ ءَ تجارت ءُ سرمایہ کاری، اقتصادی کمک، وانگ ءُ زانگ، دود ءُ ربیدگ ءِ تبادلہ ءُ مردم آنی نیام ءَ رابطہ ھوار اَنت۔ گند ءُ نند ءَ میاں اوستمانی ءُ ایران ءِ استیں جاورانی بابت ءَ گپ ءُ تران کنگ بوت۔ گند ءُ نند ءَ دمگی ءُ جہانی دیمروئی ءِ بابت ءَ ھم گپ ءُ تران کنگ بیت۔ دوئیں وزیرانی درئی کار ءَ دمگی چیلنجز آنی گیواری ءِ واستہ گپ ءُ تران ءُ سفارتکاری ءِ ارزشت ءِ سر ءَ زور پر دات۔ نائب مزن وزیر ءُ وزیر ءِ درئی کار ءَ توامیں ایف آر اے آنی نیمگ ءَ اسلام آباد مفاہمت نامہ ءِ سرجمی ءَ عمل درآمد ءِ ضلورت ءِ سر ءَ زور پر دات۔ دوئیں نیمگ ءَ دمگی چاریں فریم ورک ءِ چیر دستی ءَ برجاھیں شور ءُ سلاھ آنی ارزشت ءِ سر ءَ ھم زور پر دات ءُ یکجائی مفاد ءِ جیڈھ آنی سر ءَ ھمگرنچی ءَ را گیش مھکم کنگ ءِ سر ءَ تپاک کت۔ دوئیں دری کارانی وزیر آں یکجائی جھان ءِ چیلنج آناں گیواری ءِ واستہ برجاھیں میاں اوستمانی کمک ءُ یک جوانیں کثیر جہتی نظام ءِ ارزشت ءِ سر ءَ ھم زور پر دات۔