نیویارک ۔21ستمبر (اے پی پی):نائب مزن وزیر ءُ دری کارانی وزیر ءَ فلسطین ءِ مول ءُ مراد ءُ فلسطینی الس ءِ واستہ پاکستان ءِ بے دروریں کمک ءِ یک رندے پدا گوشت کہ پاکستان اقوام متحدہ ءِ جنرل اسمبلی ءُ درستیں سیادی داروکیں فورم آنی تہ ءَ اے جیڈھ ءَ را گوں زور ءَ چست کنت۔ دری کارانی کارگس ءِ جارکش ءِ کارگس ءِ نیمگ ءَ چہ جاڑی بوتگیں بیان …
نائب مزن وزیر ءُ دری کارانی وزیر ءَ فلسطین ءِ مول ءُ مراد ءُ فلسطین ءِ اُلس ءِ واستہ پاکستان ءِ بے دروریں کمک ءِ درشان
گیشتریں ھال
نیویارک ۔21ستمبر (اے پی پی):نائب مزن وزیر ءُ دری کارانی وزیر ءَ فلسطین ءِ مول ءُ مراد ءُ فلسطینی الس ءِ واستہ پاکستان ءِ بے دروریں کمک ءِ یک رندے پدا گوشت کہ پاکستان اقوام متحدہ ءِ جنرل اسمبلی ءُ درستیں سیادی داروکیں فورم آنی تہ ءَ اے جیڈھ ءَ را گوں زور ءَ چست کنت۔ دری کارانی کارگس ءِ جارکش ءِ کارگس ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ایس محمد اسحاق ڈار ءَ اقوام متحدہ ءِ بنجاھی کارگس ءَ اقوام متحدہ ءِ دیم ءَ فلسطین ءِ دائمی ناظر ریاض منصور ءَ گوں گند ءُ نند کتگ۔ نائب مزن وزیر ءُ دری کارانی وزیر ءَ فلسطین ءِ مول ءُ مراد ءُ فلسطین ءِ اُلس ءِ واستہ پاکستان ءِ بے دروریں کمک ءِ یک رندے پدا گوشت کہ ایشی ءِ تہ ءَ فلسطین ءِ اُلس ءِ وت واجہی ءِ ناگزیریں حق ءُ یک آجوئیں، نزیکیں ءُ وت واجہیں فلسطینی ریاست ءِ ھوار اِنت۔ آئی ءَ گوشت کہ پاکستان اقوام متحدہ ءِ جنرل اسمبلی ءُ ھمگرنچیں توامیں دیوان آنی تہ ءَ اے جیڈھ ءَ را گوں زور ءَ چست کنگ ءَ برجاہ دار ایت۔ ایشی ءَ ابید دیوان ءِ ساھت ءَ دو نیمگی گند ءُ نند آنی تہ ءَ ھم اے جیڈھ ءِ سر ءَ چمشانک دیگ بیت وھدے کہ غزہ ءَ برجاھیں انسانی بحران ءِ ترندیں ھلاسی ءُ انصاف ءُ برجمیں امن ءِ واستہ میاں اوستمانی کوشست آناں دیم ءَ برگ بیت۔
