نائب مزن وزیر اسحاق ڈار ءَ یورپی یونین ءِ درئی کار ءُ ایمنی ءِ پالیشی ءِ مزنیں نمائندہ ءَ گوں گند ءُ نند کت، اسلام آباد ءِ مفاہمت نامہ ءِ سرجمی ءَ عمل درآمد ءِ دل یکیمی کنگ ءِ سرا زور  پر داتگ

اقوام متحدہ ۔21ستمبر  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ مذاکرات ءُ سفارتکاری ءِ راہ ءَ را پدا بندات کنگ ءُ توامیں فریق آنی نیمگ ءَ چہ اسلام آباد مفاہمت نامہ ءِ سرجمی ءَ عمل کنگ ءَ را دل یکیمی کنگ ءِ سر ءَ زور پر دات۔ دو شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ 81می یونائیٹڈ اسمبلی ءِ دیوان ءِ ساھت ءَ یورپی یونین ءِ درئی کار ءُ سیکورٹی پالیشی ءِ مزنیں نمائندہ ءُ یورپی کمیشن ءِ نائب صدر کاجہ کلاس ءَ گوں گند ءُ نند کتگ۔ اسحاق ڈار ءَ گوشت کہ پاکستان یورپی یونین ءِ گوما وتی شریکداری ءَ را ھاسیں رنگ ءَ تجارتی ءُ اقتصادی کمک ءَ را سک باز ارزشت دنت۔ آئی ءَ یورپی یونین ءِ گوما پاکستان ءِ بیپاری سیادی آنی تہ ءَ جی ایس پی پلس ءِ ارزشت ءِ سر ءَ زور پر دات۔ دوئیں رہشون آں دمگی ءُ جہانی دیمروئی ءِ بابت ءَ ہم گپ ءُ تران کتگ۔ نائب مزن وزیر ءُ دری کارانی وزیر سینیٹر محمد اسحاق ڈار ءَ یورپی یونین ءِ پاکستان ءِ گوما جوڑیشت ءِ ھوار بوھگ، گوستگیں دمگی دیمروئی آنی وھد ءَ ڈی اسکالیشن ءُ گپ ءُ تران ءِ واستہ کوشست آناں ساڑات۔ آئی ءَ گپ ءُ تران ءُ سفارتکاری ءِ کشک ءَ را پدا بندات کنگ ءُ توامیں فریق آنی نیمگ ءَ چہ اسلام آباد مفاہمت نامہ ءِ سرجمی ءَ عملدرآمد ءَ را دل یکیمی کنگ ءِ ارزشت ءِ سر ءَ زور پر دات۔ دوئیں رہشون آں وت مہ وتی مفاد ءِ جیڈھ آنی سر ءَ نزیکیں رابطہ برجم دارگ ءِ سر ءَ تپاک کتگ۔