ترکیہ نا یوم فتح غا آئی ایس پی آر نا خصوصی نغمہ’’دودل، ایک جان‘‘مقبول ترک میڈیا و الس نا پبی پذیرائی

راولپنڈی۔ 03 ستمبر (اے پی پی ) ترکیہ نا یوم فتح غا جاری آئی ایس پی آر نا خصوصی نغمہ’’دودل، ایک جان‘‘ ءِ پبی پذیرائی ملانے، ترکیہ نا پنی آ نشریاتی ادارہ غاتیا آئی ایس پی آر نا نغمہ’’دودل ، ایک جان‘‘ خاص چکار نا مرکز جوڑ مس۔ سرجم حوال آتا رداٹ خصوصی نغمہ جاری کننگ آ ترک میڈیا نا کنڈآن پاک فوج وپاکستانی الس نا جوزہ ءِ زبردست خراج تحسین پیش کننگا، پنی آ ترک میڈیا ادارہ ٹی آرٹی، لیڈر و اُلکے ٹی وی آ نغمہ پبی داد تحسین وصول کننگ ءِ، ترک جرائد اخلاص خبرایجنسی، ہابر لردِک غازیٹے و ایلوفتے ٹی ہم نغمہ نا پبی وڑاٹ ستاءِ کننگا، ترکیہ نا سرکاری و نجی خبررساں ایجنسیک نغمہ ءِ پاک ترک ایلمی تعلقداری نا گچین عکاسی گوندانو۔ ترک الس اٹی ہم آئی ایس پی آر نا خصوصی نغمہ ’’دودل ، ایک جان‘‘ مقبولیت نا بڑزی تیا سرمسنے۔