مزن وزیر ءَ را پمز  ءِ آس لگگ ءِ وئیل ءِ سر ءَ زوتیں  رپورٹ رستگ ، 8 افسر معطل کتگ ءُ سی ایم یو ءِ رپورٹ ءِ سر ءَ مجرمانہ کارروائی کنگ ءِ پنت ءُ شون داتگ

لاہور۔29اگست  (اے پی پی): مزن وزیر محمد شہباز شریف ءَ را پمز ءِ آس لگگ ءِ وئیل ءِ ادارُکی رپوٹ پیش کنگ بوت۔ مزن وزیر ءَ  کمیٹی ءِ  رپورٹ ءِ سر ءَ 8افسر آنی ترندی ءَ  گوں  معطل کنگ ءُ آوانی ھلاپ ءَ ترندیں کاروائی ءِ منظوری داتگ۔ مزن وزیر ءَ نا ایوک ءَ محکمہ ءِ کارروائی ءِ چیر دستی ءَ بلکینگ ءَ فوجداری ضابطہ ءِ رد ءَ ھم زمہ وار آنی ھلاپ ءَ کارروائی کنگ ءِ ھاسیں پنت ءُ شون کت ءُ گوشت کہ فوجداری لاپرواہی ءِ مجرم ھچ رنگ ءَ رعایت ءِ مستحق نہ اَنت۔ وئیل ءِ ذمہ وار آناں گڈی آسر ءَ  سر  کنگ بیت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پمز ءِ آس لگگ ءِ واکیہ ءِ ھوالگ ءَ مزن وزیر محمد شہباز شریف ءِ سروکی ءَ مزن تک ءِ دیوان برجم دارگ بوت۔ گند ءُ نند ءَ وفاقی وزیر احد خان چیمہ، عطاء اللہ تارڑ، سید مصطفی کمال، کمیٹی کے سربراہ شاہد خان، باسک  بیرسٹر نبیل اعوان، میجر جنرل (ر) خورشید اترا  ءُ سیادی داروکیں مزنیں  کارندہ آں  ءَ بہر زوری کت۔ انکوائری کمیٹی ءِ ادارُکی رپوٹ مزن وزیر ءَ را پیش کنگ بوت۔ مزن وزیر ءَ کمیٹی ءِ نیمگ ءَ چہ پجار بوتگیں 8 مردم آناں زوت معطل  کنگ ءُ آھانی ھلاپ ءَ ترندیں کاروائی کنگ ءِ منظوری داتگ۔ مزن وزیر ءَ پنت ءُ شون کت کہ زمہ وار آنی حلاف ءَ نہ ایوک ءَ محکمہ ءِ  کارروائی ءِ  وسیلگ ءَ بلکینگ ءَ کمیٹی ءِ  پجار ءِ  رد ءَ کرمنل کوڈ ءِ  کانود ءِ  رد ءَ ھم کارروائی کنگ بہ بیت۔ ھما مردمانی ھلاپ ءَ کارروائی منظور کنگ بوتگ آھانی تہ ءَ پیمز ءِ کارمستر ایگزیکٹو ڈائریکٹر پروفیسر ڈاکٹر عمران سکندر، جوائنٹ ایگزیکٹو ڈائریکٹر ڈاکٹر مطاہر شاہ  ءُ  چوہدری ڈاکٹر اویس علی شاہ، نیونیٹل ڈیپارٹمنٹ ءِ  سربراہ پروفیسر ڈاکٹر سعدیہ ریاض، سینئر رجسٹرار ڈاکٹر نغم، ڈاکٹر نوشیلہ امجد، اسسٹنٹ ڈائریکٹر سیکیورٹی پمز محمد عثمان، سی ڈی اے  ءِ  ایمرجنسی سروس  ءِ  ڈی جی ڈاکٹر عبدالرحمن  ھوار اَنت۔ مزن وزیر ءَ پنت ءُ شون کت کہ آہانی حلاف ءَ   فوجداری کارروائی کنگ بہ بیت۔ مزن وزیر ءَ پنت ءُ شون کتگ کہ سیکورٹی ءِ ذمہ واریں کمپنی ءُ آئی ءِ کارندہ آنی حلاف ءَ کارروائی کنگ بہ بیت۔ مزن وزیر ءَ اسٹار سروس ایوارڈ ءِ  داد  ءُ یک  کروڑ کلدار ءِ  داد ءِ  منظوری دات۔ 10 ملین ءِ نرس رضیہ نورین ءَ داتگ کہ آئی ءَ یک زھگے ءِ جان رکّینتگ کہ آ پریشان بوتگ۔ مزن وزیر ءِ وارڈ ءَ ھواریں نرس ءُ یک زالبولیں گارڈ ءَ را او ایس ڈی جوڑ کنگ بوتگ۔ دیمتر ءَ پٹ ءُ پول ءِ پنت ءُ شون کنگ بوتگ۔ مزن وزیر ءَ سی ای او این آئی ایچ ڈاکٹر محمد سلمان ءَ را پمز ءِ ادارکی ایگزیکٹو ڈائریکٹر ءِ بستار ءَ گچین کنگ ءِ پنت ءُ شون کت۔ مزن وزیر ءَ پنت ءُ شون کت کہ ہما مردم کہ وتی اگدہ ءَ چہ کشگ بوتگ انت آہاں زوت ءُ یک رنگ ءَ نوکیں مردماں گوں ایر کنگ بہ بیت۔ مزن وزیر ءَ پنت ءُ شون کت کہ پٹ ءُ پولی چیمبر ءِ ادارُکی رپورٹ ءَ را زوت پبلک کنگ بہ بیت، ءُ رپورٹ ءَ را وزارت جان سلامتی ءِ ویب سائٹ ءَ پیش کنگ بہ بیت۔ مزن وزیر ءَ گوشت کہ مجرمانہ لاپرواہی ءِ مجرم ھچ وڑیں رعایت ءِ مستحق نہ اَنت، ءُ اے وئیل ءِ ذمہ وار گستاخی ءِ تک ءَ آرگ بنت۔ مزن وزیر ءَ گوشت کہ بے گناھیں زھگ آنی بیرانی انچیں اژدھیں وئیل اِنت کہ ایشی ءَ چہ سرجمیں راج ءَ دلپدرد اِنت۔ کلیں راج ءَ گوں زھگانی مات ءُ پتاں ھمدردی اِنت۔ واقعہ ءِ ذمہ واراں مثالی سزا دیگ بہ بیت کہ کسے ءِ جان پدا کسے ءِ مجرمانہ لاپروائی ءِ سبب ءَ چہ مات ءَ جتا مہ بیت۔ اے وئیل ءِ سی سی ٹی وی ویڈیو ھم نزیک ءَ دو منٹ ءَ پیش دارگ بوتگ۔ برجم داشتگیں دیوان ءَ بنداتی پٹ ءُ پول ءَ پدر بوتگ کہ پمز ءَ آس لگگ یا ایمرجنسی ءِ ھوالگ ءَ ھچ وڑیں تفصیلی ایس او پی یا تربیت نہ بوتگ، بریفنگ سیشن ءَ گشگ بیت کہ پمز ءِ 13 ایس او پی آنی تہ ءَ ایوک ءَ دو بہر ءَ آس لگگ یا ایمرجنسی ءِ ذکر بوتگ۔ وئیل ءِ وھد ءَ نگرانی کارندہ ڈیوٹی ءِ سر ءَ ھست نہ بوتگ اَنت۔ وئیل ءِ وھد ءَ وارڈ ءَ دو نرس، یک زالبولیں گارڈ ءُ یک ھاوس افسرے ھوار بوتگ۔ آس لگگ ءِ شنگ بوھگ ءُ سرجمیں وارڈ ءِ شنگ بوھگ ءَ دو منٹ ءِ کمیں وھد زرتگ۔ یک نرسے ءَ وارڈ ءَ آس لگگ ءِ شنگ بوھگ ءَ پیسر وتی جان ءِ رکّینگ ءَ یک زھگے ءِ جان ءِ رکّینگ ءِ جھد کتگ۔ آس لگگ ءِ 6 منٹ ءَ پد ایمرجنسی سروسز ءَ را فون کنگ بوتگ وھدے کہ اولی ایمرجنسی رسپانس 15 منٹ ءَ پد سر بوتگ۔ بس یک ماہے پیسر جولائی ءَ پمس ءِ نرسنگ ہاسٹل ءَ آس لگگ بوتگ ات کہ ایشی ءَ پد ہسپتال انگت ءَ سیفٹی ءِ گامگیج آنی سر ءَ سنجیدہ انت۔ ہچ وڑیں گامگیج چست نہ بوتگ، وارڈ ءَ فائر الارم، اسپرینکلر سسٹم نہ بوتگ، نیو نطلق وارڈ ءَ اے درگت ءَ ڈبل ایچ او ءِ درستیں رہبندانی خلاف ورزی بوتگ، فائر ایمرجنسی ءِ بابت ءَ ہسپتال ءَ افسر نہ بوتگ، اسسٹنٹ ڈائریکٹر ءَ را گیشیں ذمہ واری دیگ بوتگ۔ دیوان ءَ نادراھجاہ ءِ ھرابیں جاور ءُ بد انتظامی ءِ ھوالگ ءَ ھم سرپد کنگ بوت۔ مزن وزیر ءَ پٹ ءُ پولی کمیٹی ءِ سروک شاہد خان ءُ توامیں باسک آنی شگر ءُ منت گپت۔ مزن وزیر ءَ پٹ ءُ پول ءِ سرجم کنگ ءُ گیش سپائییں رپوٹ پیش کنگ ءِ پنت ءُ شون کتگ۔