وکیلآتا ویل آتا ایسری کن بار ایسوسی ایشنآتون رابطہ ءِ پین گچین کینہ، اعظم نذیر تارڑ

اسلام آباد۔ 27 اگست (اے پی پی)بنجائی وزیرکانود و انصاف سینیٹر اعظم نذیر تارڑ پارینے کہ وکیلآتا ویل آتے ایسر کننگ و انصاف نا گچین فراوانی کن بار ایسوسی ایشنآتون رابطہ غاتے پین گچین کننگک۔ ترجمان نا رداٹ بنجائی وزیرکانود تون تدوک آ دے چندی بار ایسوسی ایشن تا عہدیدار و وکیل راہشون آک اوڑدہی کریر، ہراٹی وکیلآتا کسبی امور و بار ایسوسی ایشننا بابت باندات آتیا گپ و تران کننگا۔ راولپنڈی ہائی کورٹ بار ایسوسی ایشن و راولپنڈی ڈسٹرکٹ بار ایسوسی ایشن نا صدر و عہدیدار آک ہم بنجائی وزیرکانود تون اوڑدہی کریر و وکیل آتے پیش بروک آ چندی ویل آآتا بابت اودے معلومدار کریر۔ ہائی کورٹ بار ایسوسی ایشن بہاولپور نا صدر، خانیوال ڈسٹرکٹ بار ایسوسی ایشن، جہانیاں بار ایسوسی ایشن و کبیر والا بار ایسوسی ایشن نا صدر و عہدیدار آک ہم بنجائی وزیرکانود تون اوڑدہی کریر۔ سینیٹر اعظم نذیر تارڑ چندی بار ایسوسی ایشن تا نمائندہ غاتے بخیر کرے۔ و انصاف نا گچین فراوانی و کانودی نظام نا گچینی ٹی وکیلآتاکڑد ءِ اہم گوندا۔ اوڑدہی تیٹیتین پہ تینی رابطہ و کانودی بشخ اٹیکمکاری نا مون آ دننگ نا عزم انا درشانی ہم کننگا۔