پاکستان کاسا-1000ڈٹ انا تینابنداوی پنجر ءِ بھلو حداسسکان پورو کرے

اسلام آباد۔ 27 اگست (اے پی پی)پاکستان کاسا-1000 بجلی نا ترسیل و واپار نا ڈٹ انا رداٹ تینابنداوی پنجر نا کاریم ءِ بھلو کچ اسے ٹی پورو کرینے، کنورٹر سٹیشن آ کاریم 99.7 درسد و اوڑتون اوار الیکٹروسٹیشن آ 99.5 درسد پورو مسنے۔ ویلتھ پاکستان ءِ دو بروک آڈٹ انا تازہ حالیت نا بابت دستاویز نا رداٹ پاکستان اٹیڈٹ انا رداٹ بائی پول 500 کلو وولٹ ہائی وولٹیج ڈائریکٹ کرنٹ کنورٹر سٹیشن تون اوار 66 کلو وولٹ گراؤنڈنگ الیکٹرو سٹیشن جوڑ کننگ انگ ءِ۔ کنورٹر سٹیشن آ انجینئرنگ و ڈیزائن نا کاریم 97 درسد، ہلنگ 100 درسد، سول ورکس 99.9 درسد، تنصیب 99.9 درسد و ٹیسٹنگ و کمیشننگ 99 درسد پورو مسنے۔ کنورٹر سٹیشن آ جم پیش رفت 99.7 درسد ءِ، الیکٹروڈ سٹیشن ہم پورو مننگ نا گڈیکوریسہ غاتیٹی ءِ ہراڑے انجینئرنگ و ڈیزین نا کاریم 100 درسد پورو مسنے۔ خریداری ، سول ورکس و تنصیبآن ہراسٹ آ 99 درسد و ٹیسٹنگ و کمیشننگ آ 98 درسد کاریم پورو مسنے، الیکٹرو سٹیشن آ جم پیش رفت 99.5 درسد ءِ۔ دستاویز نا رداٹ ڈٹ بھلو کچ اسے ٹی پورو مسنے وخت اس کہ اونا پورو کمیشننگاوغانستان اٹی ٹرانسمیشن لائن نا پورو مننگ اسکان التوا ٹیسلک ہرا ناستمبر 2027 ٹی پورو مننگ نا امیت ءِ۔ ہمو وخت اسکان سٹیشن آک یکم اپریل 2026 آن 29 فروری 2028 اسکان میسرز ہٹاچی نا چاروکی و تحویلاٹی مریرہ۔ دستاویز نا رداٹ ڈٹ انا واپاری آپریشنکیکم مئی 2028 آن بنامننگ نا امیت ءِ، وخت اس کہ سسٹم نا پورو ٹیسٹنگ و کمیشننگ نا دارومداراوغانستان نا ٹرانسمیشن لائن نا دوئی مننگ آ ٹی ءِ۔ ڈٹ انا پاکستانی بشخ ءِ جہانی بینکانا اِرا وام تیان مالی کمک دوئی ءِ ،وام IDA-54090-PK نا جم مالیت 12 کروڑ ڈالر ءِ ہرافتیان 9 کروڑ 94 لکھ 37 ہزار ڈالر یعنی 82.86 درسد کاریم اٹ اتنگانے۔ ایلووام IDA-64320-PK نا مالیت 6 کروڑ 50 لکھ ڈالر ءِ ہرافتیان 5 کروڑ 68 لکھ 21 ہزار ڈالر یعنی 87.41 درسد کاریم اٹ اتنگانے۔ دستاویز نا رداٹ اولیکووا م اٹی 97 لکھ 42 ہزار ڈالر وخت اس کہ ایلووام اٹی 56 لکھ 90 ہزار ڈالر نا زر ءِ کاریم اٹ اتنگتنے۔ ہڑتوم آ وام تا ایسری تاریخ 31 دسمبر 2028 ءِ۔ اولیکووام انا معاہدہ غا 11 مئی 2015 آ دستخط مس و دا 24 جنوری 2018 آ مؤثر مس وخت اس کہ ارٹ میکو وام انا معاہدہ غا 26 نومبر 2019 آ دستخط مس و دا 15 مئی 2020 آ مؤثر مس۔ کنورٹر و الیکٹروسٹیشنکم و ود پورو مننگ آن پد پاکستان اٹیڈٹ انا ایلوسرجزآک زیات تر ٹیسٹنگ و کمیشننگ نا بابت ءُ ہرافتے اوغانستان اٹی ٹرانسمیشن لائن نا دوئی مننگ اسکان پورو وڑاٹ سرتننگ مفک۔