پمز نرسری ءِ آس روکی ءَ حقیقت شوہازگ ءِ کمیٹی جوڑ کنگ بوتگ

اسلام آباد۔26اگست  (اے پی پی): اسلام آباد ضلعی انتظامیہ ءَ پاکستان انسٹی ٹیوٹ آف میڈیکل سائنسز ءِ مات ءُ زھگ ءِ جان سلامتی ءِ وارڈ ءِ نرسری ءَ بوتگیں آس روکی ءَ چہ نوزائیدگ آنی بیرانی ءِ سبب ءِ پجارینگ ءِ واستہ حقیقت پٹ ءُ پولی کمیٹی جوڑ کتگ۔ ضلعی مجسٹریٹ ءِ نیمگ ءَ چہ شنگ بوتگیں نوٹیفکیشن ءِ رد ءَ کمیٹی آس روکی ءِ اصل سبب ءِ پٹ ءُ پول ءَ کنت ءُ آس روکی ءِ شنگ ءُ تالان بوھگ ءِ تہ ءَ کمک کنوکیں سبب آنی پٹ ءُ پول ءَ کنت۔ کمیٹی ءِ سروکی ءَ ایڈیشنل ڈپٹی کمشنر (جنرل) ءِ سروکی ءَ دارالحکومت ءِ ایمرجنسی سروسز ءِ ڈائریکٹر جنرل، دارالحکومت ءِ دیمروئی اتھارٹی (سی ڈی اے)، پولیس ءِ سپرنٹنڈنٹ (شہر)، اسسٹنٹ کمشنر (صنعتی دمگ)، ڈائریکٹر جنرل (ای اینڈ ایم)، سی ڈی اے ایم ایس، آئی ایسکو ءُ پی آئی ءِ ھوار انت۔ ایشی ءَ ابید دگہ کسے باسک ھم کمیٹی ءِ تہ ءَ ھوار کنگ بیت کنت کہ لوٹ اِنت۔ زانگ بہ بیت کہ کمیٹی ءَ را آس روکی ءِ راستیں سبب ءِ پجارینگ ءِ ذمہ واری داتگ، اے اندازہ کنگ بوتگ کہ آیا آس روکی ءِ رکھینگ ءِ ھاتر ءَ جوانیں ءُ موثریں گامگیج ھست انت یا نہ۔ کمیٹی ءِ رد ءَ رد ءُ بند ءِ وھد، ریسکیو ءُ آتش نشانی ءِ کارروائی آنی تاثیر ءِ ھم چار ءُ تپاسی کنگ بیت۔ دیمترا دگہ ھرچ جیڑھے کہ اے وئیل ءِ گوں ھمگرنچ لیکگ بہ بیت آ ھم چار ءُ تپاسی کنگ بیت۔ ضلعی انتظامیہ ءَ کمیٹی ءَ را ہدایت کتگ کہ آ 24کلاک ءِ تہا رپورٹ جم بہ کنت۔