مزن وزیر محمد شہباز شریف ءَ موڈیز  ءِ نیمگ ءَ پاکستان ءِ کریڈٹ ریٹنگ ءَ را Caa1 ءَ چہ B3 ءَ برز کنگ ءِ سر ءَ راج ءَ را مبارک بات داتگ

اسلام آباد۔24اگست  (اے پی پی): مزن وزیر محمد شہباز شریف ءَ موڈیز  ءِ نیمگ ءَ پاکستان ءِ کریڈٹ ریٹنگ ءَ را Caa1 ءَ چہ B3 ءَ برز کنگ ءِ سر ءَ راج ءَ را مبارکی دات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ موڈیز ءِ نیمگ ءَ پاکستان ءِ وت مستریں کریڈٹ ریٹنگ  ءِ تہ ءَ گہتری ءَ را وش اتک کتگ ءُ حکومت ءِ اقتصادی ٹیم ءِ کوشست آناں ساڑاتگ۔ آئی ءَ گوشت کہ ایشی ءِ واستہ نائب مزن وزیر ءُ دری کارانی وزیر سینیٹر  محمد اسحاق ڈار، چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر، وزیر خزانہ محمد اورنگزیب ءُ درستیں سیادی داروکیں وزیر ءُ حکام ایشی ءِ واستہ ساڑاھ ءِ مستحق انت۔ مزن وزیر ءَ گوشت کہ پاکستان ءِ کریڈٹ ریٹنگ ءِ تہ ءَ گہتری حکومت ءِ اقتصادی پالیسی ءُ اصلاحات ءِ سر ءَ جھان ءِ دل یکیمی ءِ آدینک اِنت۔ میاں اوستمانی مالیاتی ادارگ ءُ ریٹنگ ایجنسی آنی نیمگ ءَ پاکستان ءِ اقتصادی جاور ھال آنی تہ ءَ گہتری ءِ منگ وش اتک کنگ بیت۔ آئی ءَ گوشت کہ پاکستان ءِ معیشت استحکام ءِ نیمگ ءَ روگ ءَ انت، ءُ میاں اوستمانی ادارگ آنی نیمگ ءَ درجہ بندی ءِ تہ ءَ گہتری ایشی ءِ پدریں گواہ انت۔ حکومت ءَ معیشت ءِ برجائی ءُ دری شوبگ ءِ گہتری ءِ واستہ جوانیں گامگیج چست کتگ۔ مزن وزیر ءَ گوشت کہ اقتصادی برجائی ءِ واستہ حکومت ءِ برجاھیں کوشست ءُ اصلاحات آنی آسر ءَ میاں اوستمانی ادارگ آناں پاکستان ءِ سر ءَ دل یکمی گیش بوھگ ءَ اِنت۔ حکومت پاکستان ءِ معیشت ءَ را پائیدار بنیاتانی سر ءَ جوڑ کنگ ءِ واستہ اصلاحات ءِ عمل ءَ را گیش ترند کنت ۔ مئے مول ءُ مراد پاکستان ءَ را یک مھکمیں، وت واجہ ءُ برجمیں معیشت ءِ جوڑ کنگ اِنت۔