صدر ءِ مملکت کیٹی بندر دکہ ءِ دیمروئی ءِ واستہ یکجاھیں حکمت عملی ءِ سر ءَ زور پر دنت، منصوبگ ءَ را المی ئیں آسراتی آں گوں ھمگرنچ کنگ بہ بیت، آصف علی زرداری

اسلام آباد۔24اگست  (اے پی پی): صدر ءِ مملکت آصف علی زرداری ءَ کیٹی بندر دکہ ءِ دیمروئی ءِ واستہ یکجاھیں حکمت عملی ءِ زورگ ءِ سر ءَ زور پر دات ءُ گوشت کہ منصوبگ ءَ را معتبریں سڑک ءِ رابطہ، بجلی ءُ آپ ءِ رسگ، صنعتی بنیاتی ڈھانچہ ءُ ایندگر المی آسراتی آنی گوما ھمگرنچ کنگ بہ بیت۔ دو شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے ھیالانی درشانی چائنا ہاربر انجینئرنگ کمپنی ءِ نیمگ ءَ کیٹی بندر پورٹ ءِ پیش کرتگیں دیمروئی ءِ ھوالگ ءَ داتگیں بریفنگ ءِ ساھت ءَ کتگ۔ آئی ءَ چینی ڈل ءَ را وش اتک کنان ءَ پاکستان ءِ بنیاتی ڈھانچگ ءُ دریائی دیمروئی ءِ کمک ءَ چین ءِ برجاھیں دلگوشی ءِ ساڑات۔ صدر ءِ مملکت ءَ گوشت کہ کیٹی بندر ءَ را یک گیشیں میری ٹائم گیٹ وے ءِ رنگ ءَ مزنیں گنجائش است انت کہ ایشی ءَ چہ پاکستان ءِ دکہ ءُ رسد ءِ نیٹ ورک ءَ را مھکم کنگ، رابطہ ءُ تجارت ءَ را دیمروئی دیگ ءَ کمک رس ایت۔ آئی ءَ چینی نیمگ ءَ گوں ھمگرنچیں پاکستانی ادارگ آنی نیام ءَ نزیکیں ٹیکنیکل رابطہ ءِ ضلورت ءِ سر ءَ زور پر دات۔ آئی ءَ اے گپ ءِ سر ءَ ھم زور پر دات کہ چاگردی پائیداری ءَ را بنجاہی ارزشت دیگ بہ بیت ھاسیں رنگ ءَ سندھ دریا ءِ ڈیلٹا ءِ نازرکیں ماحولیاتی نظام ءِ رکھینگ ءُ دمگی ماہی گیری کمیونٹیز ءِ مفاد ءُ روزی ءِ رکھینگ بہ بیت۔ صدر مملکت ءَ ماسٹر پلان ءَ را گیش گہتر کنگ ءُ ایشی ءِ سر ءَ عمل درآمد ءُ مالی کمک ءِ واستہ جوانیں میکانزم ءِ پجارینگ ءِ واستہ تکنیکی مشاورت ءِ برجاہ دارگ ءِ ترغیب دات۔ چینی ڈل ءَ را کیٹی بندر پورٹ ءِ تصوراتی ماسٹر پلان ءِ بابت ءَ سرپدی دیگ بوت، ایشی ءِ تہ ءَ یک ءَ چہ گیش ٹرمینل، رسد ءُ کمکی بنیاتی ڈھانچہ ءِ گوما نوکیں گہتریں آپ ءِ میری ٹائم گیٹ وے ءِ ھیال ءُ لیکہ کنگ بوتگ۔ اولی بھر ءَ 500 میٹر ءِ دراجیں کوہ ءِ گوما کثیر مقصدی ٹرمینل ھوار اِنت وھدے کہ بنداتی انجینئرنگ ءِ ھرچ ءُ درچ ءِ کساس 522.34 ملین امریکی ڈالر اِنت۔ چینی ڈل ءِ تہ ءَ چیک ءِ پاکستان ءَ سروکیں نمائندہ وو پنگ، مارکیٹنگ ءِ محکمہ ءِ سروک وانگ ژونگڈے ءُ انجینئر  شو تیے لِن  ءَ ابید  سٹریٹجی اینڈ مارکیٹنگ  ءِ  جنرل منیجر علی رضا  ھوار ات۔ گند ءُ نند ءَ سندھ ءِ سر وزیر سندھ سید مراد علی شاہ، سینیٹرز سلیم مانڈوی والا  ءُ  شیری رحمان، سندھ  ءِ  وزیر برائے توانائی، منصوبہ بندی  ءُ  دیمروی  ناصر حسین شاہ، سر وزیر  سندھ  ءِ  سرمایہ کاری  ءُ  پبلک پرائیویٹ پارٹنرشپ  ءِ واستہ ھاسیں کمکار  سید قاسم نوید قمر  ءُ  چیف سیکرٹری سندھ سید آصف حیدر شاہ  ءَ ھم بہر زرتگ۔