نائب مزن وزیر سینیٹر محمد اسحاق ڈار ءَ لندن ءَ میاں اوستمانی میری ٹائم آرگنائزیشن ءِ سیکرٹری جنرل ارسینیو ڈومنگیز  ءَ گوں گند ءُ نند

اسلام آباد۔24اگست  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ لندن ءَ میاں اوستمانی میری ٹائم آرگنائزیشن ءِ سیکرٹری جنرل ارسینیو ڈومنگیز  ءَ گوں گند ءُ نند کت۔ دو شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءَ آئی ایم او ءِ گوما پاکستان ءِ دیریں عزم ءِ سر ءَ زور پر دات ءُ ایمن، ایمن ءُ کارآمدیں میاں اوستمانی جہاز رانی ءِ واستہ مرکزی میاں اوستمانی رھبند جوڑ کنوکیں ادارگ ءِ بستار ءَ آئی ایم او ءِ کرد ءَ را ساڑات۔ نائب مزن وزیر ءُ دری کارانی وزیر ءَ ایم ٹی آنر 25 ءِ سر ءَ یرغمال بوتگیں 10 پاکستانی دریائی جہاز آنی ایمنیں یلہ کنگ ءِ واستہ برجاھیں کوشست آنی تہ ءَ کمک ءِ واستہ سیکرٹری جنرل ءِ منت گپت۔ نائب مزن وزیر ءُ دری کارانی وزیر ءَ میری ٹائم گورننس ءَ را مھکم کنگ، میاں اوستمانی میری ٹائم معیار آنی سر ءَ عمل کنگ ءُ پاکستان ءِ نیلیں معیشت ءَ را گیش دیمروئی دیگ ءِ واستہ پاکستان ءِ برجاھیں کوشست آنی سر ءَ زور پر دات۔ دوئیں رہشوناں پاکستان ءُ آئی ایم او ءِ نیام ءَ جتا جتائیں پڑ آنی تہ ءَ کمک ءَ را گیش مھکم کنگ ءِ سر ءَ ھم گپ ءُ تران کت، ایشی ءِ تہ ءَ میری ٹائم سیفٹی ءُ سیکورٹی، ریگولیٹری اصلاحات ءُ پاکستان ءِ میری ٹائم سیکٹر ءِ دیمروئی ھوار اَنت۔