وزیر داخلہ بلوچستان ءَ دیوان ءِ سروکی ءَ کنت، 12 ربیع  الاول  ءِ سیکورٹی ءِ بندوبستاں چار ءُ تپاس

کوئٹہ۔ 24 اگست (اے پی پی): بلوچستان ءِ تہی کارانی وزیر میر ضیاء اللہ لانگو ءِ سروکی ءَ دو شمبے ءِ روچ ءَ ائید ءِ روچ ءَ سرجمیں صوبگ ءَ پیش کرتگیں ایمنی ءِ بندوبست آنی سر ءَ چار ءُ تپاسی کنگ بوت۔ گند ءُ نند ءَ ڈی آئی جی کوئٹہ عمران شوکت ءُ محکمہ داخلہ ءِ کارندہ آں بہر زرتگ۔ صوبگ ءِ ایندگہ ضلع آنی توامیں ڈی آئی جی ءُ کمشنر آں ویڈیو لنک ءِ ذریعہ ءَ گند ءُ نند ءَ شریک بوتگ انت۔ اے موہ ءِ سر ءَ جلوس ءِ راہ، مچی ءُ ھاسیں جاھاں سیکورٹی ءِ بندوبست ءِ واستہ تیار کتگیں منصوبگ ءِ ھوالگ ءَ بریفنگ دیگ بوت۔ تہی کارانی وزیر میر ضیا اللہ لانگو ءَ گوشت کہ امن ءُ ایمنی ءِ برجائی ءُ الس ءِ جان ءُ مال ءِ رکھینگ حکومت ءِ اولی ذمہ واری انت۔ 12 ربیع الاول ءِ درگت ءَ سیکورٹی ءِ بندوبست آنی تہ ءَ ھچ وڑیں لاپرواہی برداشت کنگ نہ بیت۔ آئی ءَ ضلعی انتظامیہ ءُ پولیس ءِ واکدار آناں پنت ءُ شون کت کہ آ یکے دومی ءِ رابطہ ءُ موثر ہم آہنگی ءِ وسیلگ ءَ سیکورٹی منصوبگ ءِ سرجم ءُ موثر نفاذ ءَ را دل یکیمی بہ کن انت۔