بی ایف سی اسلام آباد ءَ سال ءِ تہ ءَ کاروبار ءُ سرمایہ کاری ءِ ھوالگ ءَ 7709 درخواست رستگ اَنت، قیصر احمد شیخ

اسلام آباد۔24اگست  (اے پی پی): سرمایہ کاری بورڈ ءِ وفاقی وزیر قیصر احمد شیخ ءَ گوشت کہ کاروباری آسراتی مرکز اسلام آباد یکیں بام ءِ چیر ءَ سرمایہ کار ءُ کاروباری مردم آناں سرکاری آسراتی پجارینگ ءَ کاروباری چاگرد ءَ را آسان ءُ سرمایہ کاری دوست جوڑ کنگ ءِ واستہ ھاسیں کرد پیلو کنگ ءَ اِنت۔ آئی ءَ اے ھیالانی درشانی دو شمبے ءِ روچ ءَ بی ایف سی اسلام آباد ءِ تر ءُ تاب ءَ پد میڈیا ءَ گوں تران کنان ءَ کت، مرکز ءِ یک سالی کارکردگی ءُ کاروباری آسراتی ءِ آسر آنی سر ءَ چار ءُ تپاسی کت۔ آئی ءَ گوشت کہ بی ایف سی اسلام آباد ءَ سال ءِ تہ ءَ کاروبار ءُ سرمایہ کاری ءِ ھوالگ ءَ 7709 درخواست رستگ، مرکز ءِ وسیلگ ءَ 6896رجسٹریشن، لائسنس، سرٹیفکیٹ ءُ ایندگر پرمٹ جاری کنگ بوتگ۔ قیصر احمد شیخ ءَ گوشت کہ بی ایف سی ءَ ٹھینگ بوتگیں وھد ءِ تہ ءَ 4920 درخواست آنی رد ءَ رد ءُ بند داتگ وھدیکہ سال ءِ تہ ءَ 4100 ءَ چہ گیش نوکیں کاروبار رجسٹرڈ کنگ بوتگ۔ سہولت ءِ وسیلہ ءَ داتگ ات۔ آئی ءَ گوشت کہ بی ایف سی ءِ آسراتی ءِ آسر ءَ 100کروڑ کلدار ءَ چہ گیش سرمایہ کاری بوتگ۔ 6.6ارب ءِ زرّ ممکن بوتگ ءُ 20ہزار ءَ چہ گیش روزگار ءِ آسراتی رستگ۔ وفاقی وزیر ءِ رد ءَ سال ءِ تہ ءَ بی ایف سی اسلام آباد ءَ 8554مردم آنی نقل و حرکت ریکارڈ کنگ بوتگ وھدیکہ 845 کیس آنی تہ ءَ ماہرین آنی نیمگ ءَ چہ ھاسیں رہشونی کنگ بوتگ۔ آئی ءَ گوشت کہ دسمبر 2025 ءَ گیشتریں درخواست 1288 رستگ اَنت۔ آئی ءَ گوشت کہ بزنس سہولت ءِ مرکز یک جاہ ءَ سرمایہ کار ءُ کاروباری مردم آناں جتا جتائیں حکومت آنی ھوالگ ءَ سروسز پجارینگ ءَ انت، ایشی ءَ چہ آ دفاتر آنی کش ءُ گور ءَ رومنگ ءُ پیچیدہ کارروائی آنی چہ رکھینگ بوھگ ءَ انت۔ قیصر احمد شیخ ءَ گوشت کہ حکومت کاروبار ءُ سرمایہ کاری ءَ را دیمروئی دیگ ءِ واستہ کارروائی آناں آسان کنگ ءُ آسراتی ءِ نظام ءَ را گیش موثر جوڑ کنگ ءَ اِنت ءُ بی ایف سی ءِ یک سالی آپریشن ءِ سوبمندیں سرمایہ کار دوستیں چاگرد ءِ جوڑ کنگ ءِ نیمگ ءَ یک مزنیں گامگیج اِنت۔ وفاقی وزیر ءَ گوشت کہ مزن وزیر محمد شہباز شریف ءِ سروکی ءَ حکومت سرمایہ کاری ءُ کاروبار ءِ دیمروئی ءِ واستہ عملی گامگیج کنگ ءَ انت ءُ یک دریگ ءِ آسراتی ءِ وسیلگ ءَ کاروباری مردم آناں گیش ءَ چہ گیش آسراتی پجاری کنگ بوھگ ءَ انت۔